یانان شمعه پروانه یانسون گرک
او سوز شراره دایانسون گرک
اولا هر کیم عاشق، وفا ملکنه
گیدوب کوچه کوچه دولانسون گرک
قویان راه عشقه قدم رنگ رنگ
خُمِ درد و غمده بویانسون گرک
کیم ایستور دورولسون گویول چشمه سی
یَمِ محنتیله بولانسون گرک
او کسلر که دنیایه بل باغلیوب
دیر پول، پول اوسته قالانسون گرک
یغوب مال دنیانی کیم ظلمیله
عدالت الیله تالانسون گرک
ولای علیدور که حِصنِ حَصين
ولایت سؤينلر اینانسون گرک
علینون مُحبّی علی عشقنه
گوره هر بلا، سهل سانسون گرک
علی نوکری اولسا یعقوبی کیم
اونون ظِلّينه دالدالانسون گرک
- جمعه
- 1
- مرداد
- 1400
- ساعت
- 20:53
- نوشته شده توسط
- یوسف اکبری
- شاعر:
-
حاج حسن یعقوبی تبریزی
ارسال دیدگاه