تاپوپ عم اوغلوی زهرا بیوک مصیبت ، عجب؟
گتیردی سینه می تنگه بو درد و محنت ، عجب
اولوم منیمکیدی الحق ولی محبتدن
گلوب شتابیله آلدون غریبه سبقت ، عجب؟
دیردیم اولم اگر چه بو حالیوی گورسم
ندن اولوم منه ده اولمیوبدی قسمت ، عجب؟
علینی قویموسان آغلار جنازه وین اوسته
اویان عزیز دلیم یاتموسان نه راحت ، عجب؟
سسیمه سس یتور ای باغری قان اولان غمدن
منه محبتیوی ایتموسن قناعت ، عجب
بویور گوروم نجه غسلون ویروم کفن ایلیوم
بو جسم اطهری کی قان ویرور جراحت ، عجب؟
قاپی یاناندا سنبدور مگر قولون بوداقون
سنق قولونلا ائدردون نئجه عبادت ، عجب؟
باخاندا مغسلین اوسته جنازه وه یانورام
خصوص صورتیوه ایلینده دقت ، عجب؟
آغیر بیر ال یریدور گورسنن عذارینده
اولیدی شل او الی ایلیوب جسارت ، عجب؟
یوزون اودور که دوتاردون هرآن عم اوغلوندان؟
دئموردون آخر اولار برملا حقیقت ، عجب؟
دئموردون آی ایشیقی دوشسه گر چه صورتیوه
گورر عم اوغلوم ائدر اوز اوزون مذمت ، عجب؟
غریبه گونلره قالدیم بو دار فانی ده
فشار عالمی چکدیم بو دم بو ساعت ، عجب
اودور بویورمشیدون غسل ویر گیجه یاری
گورنمیوبدی جهاندا بئله وصیت ، عجب
یووانمورام بو قولی که یامان گونومده منیم
جفا الیله سنوب اولمیوب طبابت ، عجب؟
یوانمورام او کسی که رسول عالمیان
ائدنده رحلت اونی تاپشوروب امانت ، عجب
نئجه او کس که منه پیش مرگ اولوب ، ایندی
بوکوم بو دم کفنه قویموری محبت ، عجب؟
نئجه مزارینه من تاپسوروم او کیمسه نی که
قاپوم یاناندا ایدوب عاشقانه خدمت ، عجب؟
گوزوم گوتورموری گورسون مزارینه گیدوری
پیمبرین قیزی گیزلین بو لیل ظلمت ، عجب
گورنمورم او گوزی که غمیمده صبح و مساء
توکردی عارضینه دائم اشک حسرت ، عجب
- یکشنبه
- 3
- مرداد
- 1400
- ساعت
- 11:11
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه