یتور بو ناله و افغانی ای صبا آناما
ایشخلی گوندوزی غمدن اولان قرا آناما
دنن آچوبدی آتام ظلمیله یانان قاپونی
ووروبدی قاره علم ساخلیا عزا آناما
غریب عزاسینه هر چند که گلن اولماز
اوزوم بیر ائل عوضی ایلرم نوا آنام
اولونجه ناله ایدم دویمارام بو ماتمده
یری وار عمر بوئی ایلیم بکا آناما
نه چون آنام دئمدی دردینی حیاسیندن
اورکده قبره آپاردی اولوم فدا آناما
گیجه زمانی گیدن قبرینه آنام ای وای
سزا دگوردی او تشییع اختفا اناما
مدام بولدوقونی ایلدی زمانه ، اونا
عجبدی خوش گونی بیر بولمدی روا آناما
قاپوسی یاندی جفائیله آه و واویلا
او دمدن اولدی هرآن همدم آه و وا آناما
قاپی یاناندا نلر اولدی بیر اوزی بولدی
و بیرده بولدی خدا نولدی با وفا آناما
گوزوم دوشر سحر آخشام او درگهه یانام
همان او یر که ایدوب ظلمون اشقیا آناما
ولی او کوچه سوزون بیر حسن بولور، امّا
دئمور بولم نه قدر یوز ویروب بلا آناما
فقط دئیر که یولون کسدی ثانی بی رحم
دئمور نه ظلم ایلیبدور او بی حیا آناما
او گونکی گوندن آنام دائما یوزون دوتدی
ایدوب یقیناً او ظالم بیوک جفا آناما
- یکشنبه
- 3
- مرداد
- 1400
- ساعت
- 11:15
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه