کنز ولایه گوهر شهوارسان آنا
مرآت حُسن احمد مختارسان آنا
عقل سلیم درک ایده بولمز جلالیوی
سّرالبیانه جوهر معیارسان آنا
مام فلک مثالیوه نازادی والسلام
دلدار بی قرینه دلدارسان آنا
منکوب محض ایتموسن اهل سقیفه نی
منطقده تیغ حیدر کرارسان آنا
نور خدا عیاندی جمالوندا بَدویدن
آخر خدای مطلقه شاهکارسان آنا
باخدوقجا گول جمالیوه روحیم صفا تاپور
ذوق و صفای گلشن و گلزارسان آنا
سَندن تاپوبدی آب شرف آب زندگی
باشدان ایاقه معنی ایثارسان آنا
عشقونله عشق عالمه طعنه وورور قیزون
تَرفیع عشقه فاعل مختارسان آنا
عشقوندی عشقیمی چکوری عشق مطلقه
عشاق مَحض حقهَ مددکارسان آنا
آل عبا سنیله ایدور فخر عالمه
آل عبایه آیینه کردارسان آنا
نخل ولا، وجودیویله نخل پر ثمر
کانون خلقه، نقطه پرگارسان آنا
ظاهرده سالدلار سنی زحمت مدارینه
تَسلیمی مشیت دادارسان آنا
ظلمیله یاندی درگه عالم پناهیمز
تسلیمدندی زخمی مسمارسان آنا
فکر زیارتیله دگوب میخ در سنه
آخر مطاف درگه و دیوارسان آنا
طوبی، شهیدیوی ایلیوب شاهدون قبول
گر چه فراق محسنه غمخوارسان آنا
مَشیون چکر منی، بولورم کوی وحدته
اخبار کوی عشقه خبردارسان آنا
بو پیرهن ندور یازلوب عهد نامه ده
فکرون ندور که فکره گرفتارسان آنا
آخر وداعیده بولورم قارداشیم گئیر
بو باره دندی دیده سی خونبارسان آنا
سن گلمه، من اوزوم اوپرم گول بوغازینی
هرچند امر عشقیله سِردارسان
وار خواهشیم که گلمیَسن قتلگاهینه
جدیم دیوبدی واقف اسرارسان آنا
پیراهن عتیق شمیمین (عتیقه) ویر
(شبگیر لرده) ناله سینه یارسان آنا
- یکشنبه
- 3
- مرداد
- 1400
- ساعت
- 11:54
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه