بیر گونی آخشام زمانیدی شه ملک ولا
چخدی مسجددن دوشوبدور منزله ساری یولا
آیری بیر احواله قالمشدی امام ممتحن
ناگرانیدی مریضیندن او دم میر هدا
زمزمه ایلوردی دلده بار الاها رحم ایله
وار مریضیم دردینه یوخدور الیمده بیر دوا
فاطمه اولسه علاوه قلب زاریم اودلانار
زینبیم هجرینده دوزمز ، بو غمه اولما رضا
رحم قیل پیغمبره خاطر حسینون حالینه
ممکن اولسا دختر خیر الورایه ویر شفا
دلبره دلبر یانار دلدن جهاندا رسمیدور
ایلیوردی دلبرین دلبر یول اوستونده دعا
گوئیا بولموردی مولا ، فاطمه جان تاپشیروب
هر قدم آتدوقجا سسلوردی شفاسین ویر خدا
سن دئمه خامه آزیر ، یوخ ، من اوزومده واقفم
قلب عالمدور امامه یوخدی اسرار خفا
لیک تقدیر اقتضا ایلوردی سن تقدیره باخ
مشکله قالموشدی اهل عالمه مشکل گشا!
ناگهان بیر ناله چاتدی گوش و جان حیدره
ایتدی فرمایش ندندور ایلوسن آه و نوا
عرض قیلدی یاعلی گل داده اولدی فاطمه
یومدی آغلار گوزلرین دنیایه دخت مصطفی
گوزلرین دولدوردی اشکیله بویوردی شاه دین
یاری یاریندن فلک ایلوبدی جبریله جدا
اللری باشدا یتیشدی فاطمه بالینینه
سسلدی سس گلمدی مولایه اول دم مطلقاً
باشینی آچدی اوغمده گلدی شور و شیونه
مرتضانین ناله سیندن تیتردی ارض و سما
باطن ظاهرده آچمشدی ملکلر باشینی
ظاهر و باطنده آغلوردی بوتون اهل کسا
آیری بیر احواله قالمیشدی امیرالمومنین
نوحه ایدوقجا ملکلر ایلدی حقین ادا
روح زهرا بولمورم آیریلمیشیدی جسمیدن !
یا نفس دوشموشدی بنده ایستییردی آیریلا !
روزن دلدن گورورمیش حیدرین احوالینی
آغلیورمیش حال زاره حیدره خیرالنسا
سسلننده بیرده بیر زهرای من سس ویر منه
وار نه سرّی بولمورم سس ویرمدی اول با حیا
گوردی سس گلمور اورکلندی دوباره شاه دین
گوزلرین دولدوردی اشکیله او درده مبتلا
بیرده بیر سسلندی زهرا حیدرم سس ویر منه
وارد اولدی قالب جسمه، او روح ماورا
ناگهان سس گلدی قربانین اولوم گل آغلاما
آغلیاندا آغلیور سکان عرشی اِنَّما
آغلاما آغلار گوزون قربانی اولام من اوزوم
آغلارام قبریمده ده روحیم گوزیله هکَذا
فرض ایله زهرا یوخیمیش گلمه شور و شیونه
گور نه احواله قالیبدور درد و غمدن مجتبی
آغلیوب آغلاتما بو غمده حسینی یاعلی
گول کیمی غمدن سولوبدور خامس آل عبا
ایلینده گوز یاشین جاری، حسینیم عارضه
زینبین قلبی یانور باخدوقجا ایلور آه وا
آغلادوقجا زینبیم ، گلثومه تاثیر ایلیور
آه و وا غملندیرور گلثومی، سسلور وای آنا
سعی قیل زهرایه خاطر ای ولی کردگار
آغلاما آرام اولا تا بلکه دورت نازلی بالا
فرصتیم آزدور اورک دردین آچوم فاش ایلیوم
خاصه بیر مطلب که دیلده خوش دگور گیزلین قالا
لطف قیل مندن صورا بیر همسر ایله اختیار
ایستیرم اطفالیمه بو ایوده بیر همدم اولا
آغلیاندا درد هجریمدن بالالاروم منیم
خوش دلیله دیندیروب اطفالیمون گوگلون آلا
ای ولی الله اعظم بیرده وار بیر عرض حال
غلسومی ویر کوینکیم اوستن سنه جانیم فدا
صبح اولونجا سعی قیل گیزلینده دفن ایله منی
گرچه بو تشیع، دگور زهرایه دنیاده سزا
بیرگونی مهدی تاپار گیزلین مزاری ای (عتیق)
قبریمون اوستونده قان آغلار او گون اهل ولا
- یکشنبه
- 3
- مرداد
- 1400
- ساعت
- 12:5
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه