ای دل، عزیز حضرت طاها هایاندادی
خلوت سرای یوسف زهرا هایاندادی
دُرّ ِ خَفیِ و کَنز خَفیِ كاشِفَ الْغیُوبِ
راز نهان عالم پیدا هایاندادی
علت ندور اجابته یِتمور دعالری
تا بلکه فاش اولا شه والا هایاندادی
ایندی یقین امام زمان دلده آه و وا
سسلور الهی اُمّت طاها هایاندادی
واردور یِری ندا گله حقدن دارخما سن
صدقاً او که ایدوبدی تمنا هایاندادی
تنها اوزون ظهوریوه چوخ اِیلیسن دعا
کیمدور دِئین الهی او مولا هایاندادی
غفلتده یوخلیانلاری کرونا آئیتمادی
چوخلار دئیور که عالم عقبا هایاندادی؟
بیر بیرلرین گورنده دئیور داده گل آقا
صدقیله سَسلین سنی آیا هایاندادی؟
هر کیمسه صدقیله آدیوی سَسلَسه گورر
گنجینه محبته دارا هایاندادی
چوخلار دیلینده ازبر ایدوب نام پاکیوی
سوداگر حقیقی سودا هایاندادی؟
مشکلده کیم قالور دئیوری ای خدای من
چشم و چراغ خسرو بطحا هایاندادی
حتی سنون او دوز چورکیندن یئین دئمور
صاحب سرای سفرهء پهنا هایاندادی
هر کیمسه چشم جانیله باخسا گورر (عتیق)
جان جهان او دیدهء بینا هایاندادی
- یکشنبه
- 3
- مرداد
- 1400
- ساعت
- 15:39
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه