توپراقلار اوسته اکبرین آلدی کنارینی
دلدن اوجاتدی عرشه حسین آه و زارینی
سَسلندی ای شبیه پیمبر اوغول علی
آلدی غمون بو دیزلریمون اختیارینی
بیر حاله قالموسان که غمون آغلادور منی
قان لجّه سینده غرقیدی چشم خمارینی
نچه قدم قالاندا بو نعش مطهره
آچدوم اودور که گوزلریمون آبشارینی
آخر بو چولده آغلامیوم نینیم سنه
نئینر بو نوعی تاپسا مگر یار یارینی
قالدیم نه حاله نعشیوین اوسته خدا بولور
چکدیم غمونده من ایکی دنیا فشارینی
باش آچمشام علی دیورم سینه داغلورام
گوردوخجا قوملار اوسته غم آشکارینی
گل نطقه بیر دانیش منیله اولسا ممکنون
دیندیر گیلن بو دشتیده محنت دچارینی
سویله گوروم نه گلدی سنه ای دلاوریم
کیمسه خزان ایدوب بیله عمرون بهارینی
گو گلستاندا گول داغیلبدور ورق ورق
قلبیم یانور گورنده غم جانشکارینی
بیر حاله قالموسان که عبا سالموشام یره
جمع ایلورم عبایه تن زخمدارینی
نینیم که خیمه لرده حرم گوزلیور یولون
عمه لرون باجون چکوری انتظارینی
لازمدی که جنازه وی اخیامه حمل اِیدم
هجرون آلوبدی لیلینون اَلدن قرارینی
واردور یری بو غمدن آنان غصه مرگ اولا
حمل ایلیه مزاره غم بی شمارینی
یوخ سوز شهادتون اوجادار عرشه باشینی
نیسکیلرون چووردی ولی روزگارینی
دشت بلاده ظلمیله دوندی دونرگه سی
لیله مبدل اِیلدی غملر نهارینی
بیر جرعه سو تاپانمادی اخیامیده سنه
غمدن هرایه سسلدی پروردگارینی
پارچالانان دوداقلاریوا باخدی آغلادی
اولدی دیریلدی گوردی گوزیله مزارینی
لعل لبون ئولونجه خیاله سالار یانار
یاددان محالیدور که چیخاردا نگارینی
یاز نوحه آغلا بو غم عظماده ای #عتیق
بلبل کیمین سمایه اوجات آه و زارینی
- یکشنبه
- 3
- مرداد
- 1400
- ساعت
- 16:30
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه