گُل محبوب عاشقان هدات
شمع پُر نور بزم کُلِّ ثقات
گوندن آیدین یوزی گُل حسنات
آدی اوصافی منبع برکات
نور پاک محمّده(ص) صلوات
او محمّد کی ختم مرسلیدی
گُلیدی بلکه گُلدن افضلیدی
بیزه سهمیّه آزدی عصمتدن
او ولی بیر وجود اکملیدی
اونی آللّه مؤید ائتموشدی
سوزی قرآن وحی منزلیدی
یری وار ایندی سویلسون حضرات
نور پاک محمّده(ص) صلوات
نوردی نوردن یارانموشدی
صُلب ارحامده دولانموشدی
یوخیدی غیر ذات پاک خدا
عرش ساقنده بو دایانموشدی
گلدی دنیایه تا چهل ساله
بوته ی آزمونه یانموشدی
گزدی هر گونده مروه و عرفات
نور پاک محمّده(ص) صلوات
گوردی انسانی بَل اضَلّده دی
هامی افسوس بحر جهلده دی
تانیان یوخدی حیّّ داداری
بت پرستی قلوب اهلده دی
خوف یا شرم حیّ یکتادن
گورمدی کیمسه راه اصلده دی
آختاروردی عوامه راه نجات
نور پاک محمّده(ص) صلوات
گزدی قیرخ ایل نهان عبادتده
ذکر و حمد و ثنا و طاعتده
تاپدی فوق مقام قُربتده
دولت شامخ نبوّتده
آلدی حقدن مدال کرّمنا
خاتم الانبیاء نهایتده
جلوه وئردی جهانه چون مشکات
نور پاک محمّده(ص) صلوات
تاپدی تکلیف حیّ یکتادن
قورتارا خلقی جهل بی جادن
چکدی فریاد ایها الاعراب
اَل چکون عشق لات و عزّادن
یارادان بو جهانی آللّهدی
سوروشون اهل فضل و دانادن
چالشور خلقی دوتماسین شُبهات
نور پاک محمّده(ص) صلوات
دعوت ایلوردی خلقی اسلامه
شرح فقه و اصول و احکامه
ائتمیون قیزلاروزی زنده بگور
بو گناه ایچره دوشمیون دامه
اَل چکون بو حرام ایشلردن
قوشمیون اوز اوزوزی احشامه
ناپسندیده دور بو پیس حرکات
نور پاک محمّده(ص) صلوات
دمبدم خلقی ایلیوردی دعا
معبد اولموشدی مصطفایه حرا
ربّی آمین دیوردی احجاری
جبل نورده خداوندا
درس تطهیر اورگدیب خلقه
معرفت علم و حلم لایُحصی
خاتم الانبیاء شه عرصات
نور پاک محمّده(ص) صلوات
یا نبی ایندی گل بو دورانه
باخ بیزیم خاک پاک ایرانه
زنده بگوردن قاچان قیزلار
متلک دیله اهل ایمانه
قورخمیولار عذاب داوردن
عفّتی فرض ائدولّه افسانه
واردی بیر عدّه لیک اهل صلات
نور پاک محمّده(ص) صلوات
چالشیب حضرت خجسته تبار
چوخ یاتانلاری ایلدی بیدار
قورتاریب چوخلارین یانار اوتدان
اولدیلار مصطفایه محکم یار
چکدیلر اوزلرین جهالتدن
ائتدیلر ترک مشرک اغیار
اولدیلار محرم تبارک ذات
نور پاک محمّده(ص) صلوات
عیدیدی عید اهل تقوادی
آچ اَلون موقع تمنّادی
هرنه ایستور سن ایسته بی پروا
عیدیانه بو گون مهیّادی
در رحمت آچیقدی هر گلنه
ختم مرسل سفیر یکتادی
اونا قرباندی طالبان برات
نور پاک محمّده(ص) صلوات
السّلام علیک یا احمد
ای هامی کاینات آرا سرمد
بیزه لطف ایله عالی بایراملیق
یا نبی ای خدای حیّ احد
بیرده ایله دعا بوتون اُمّت
تاپا توفیق بندگی صمد
هم صفادن کنار اولا صدمات
نور پاک محمّده(ص) صلوات
- یکشنبه
- 3
- مرداد
- 1400
- ساعت
- 17:3
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه