ای خدا رحمتوی نازل ایله
بیزیم احوالمیزه شامل ایله
دین و ایمانمیزی کامل ایله
بیزی قرآن دیَنه عامل ایله
هئچ زمان بوشلاما اوز باشمیزه
بنده ی قانع و بینا دل ایله
ایله احسانوی هر لحظه مزید
لطفوی بنده لره کامل ایله
قویما آیری قاپیا دالدالاناخ
فقط اوز درگهوه سائل ایله
کسب و امرارمیزه وئر برکت
دوز اولاخ سنده رضا حاصل ایله
والدینون ایلیک حقّین ادا
مؤمن معتقد و عاقل ایله
مرض روحمیزه وئر صحّت
واهی افکارمیزی زائل ایله
پرده ی غفلتی چک گوزلردن
دشمن دینه اونی حایل ایله
اوجالان اللری نومید ایلمه
هر نه وار سیئه میز باطل ایله
عاشق آل علی ایله بیزی
متقی لر صفینه داخل ایله
عفو ایله اوّل علی شیعه لرین
سورا تاریک ائوینه راحل ایله
صالح اولسون هامی اولادمیزی
مهدی فاطمیه قائل ایله
هاردا وار دشمن دین و قرآن
درک اسفله تئز واصل ایله
قرض دار امّته رحمونله خدا
با سخاوت الوی باذل ایله
قسمت ایله بیزه حج ّ و عتبات
زائر قبر ابا فاضل ایله
کربلانون یولین آچ شیعه لره
بویوک آمالمیزه نائل ایله
حاج آقا هاشمی امر ائتدی "صفا"
بیر دعایه قلمون ناقل ایله
یازموشام منده الهی کرم ائت
بو ایکی نوکریده قابل ایله
- یکشنبه
- 3
- مرداد
- 1400
- ساعت
- 22:42
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه