هفتم ذیحجّده آل عبا
قوردیلار یثربده بیر بزم عزا
گیدی قاره جعفر صادق امام
وای بابا دیلده سالیب شور و نوا
وای دیوردی زهرلن مسموم اولان
حضرت باقر امام مقتدا
اوخشادی جنتده دامادین حسین
گل قوجاقیمه دئدی خیر النسا
کربلادنده یقین گلدی حسین
همرهیدی چون اونا یوم بلا
آرزوی خامینه چاتدی هشام
قاتل پور آقا زین العبا
اوز جوارینده آتاسی یر وئریب
دورد اوغول زهرایه اولدی همنوا
هیچ برینون قبرینون ایوانی یوخ
گور نجه مظلوم اولوب بش مه لقا
شافعان محشره هیچ کیمسه ده
یوخ اجازه قبری اوسته آغلاشا
گلسه مهدی غصّه دن آزاد اولار
کّلّ دنیاده هامی اهل ولا
فاطمه بیر یول یارالی اللرین
وار یری هر آن بیزی ائتسه دعا
قانه دوندی غصّه لردن قلبمیز
ظاهر اولدی البلاٌ لّلولا
یا ابا صالح اوزون امداد ائله
قویما خوار اولسون محبّانون آقا
هر نیوک خواهان آل عترتوک
گر چی بیر عمر ائتمشوک سای سیز خطا
سن دعا قیلسون اورکلر صاف اولار
خیّر اوللّوق جمله بی چون و چرا
محور هستی وجود اقدسون
مقدم پاکون صفای ماسوا
نور باراندی جمالونله جهان
اولماسون دنیا اولار لیل دُجا
ای قلم اولما مسیروندن کنار
اول امام باقره نوحه سرا
بیر امامی که علوم حاضری
نشر ائدیب اهل جهانه بر ملا
بانی و بنیان گزار مدرسه
صاحب علم تمام انبیاء
باغلاموشدی کینه تیره قلبده
بو امامه بی سبب نسل دغا
زهرلن مسموم ائدیبدی باقری
دوشدی اوچ گون بستره نیکو سجا
بیر امامونده یارالی پیکری
قالدی اوچ گون نعشی یرده ای خدا
باش بدندن آیری نوک نیزه ده
جسمی پاره پاره شاه کربلا
ساربان کسمیشدی باذل اللّرین
بارماقین بجدل لعین اشقیا
یاره گلمزدی شماره جسمده
سینه سین یارمشدی تیغ ناروا
عرش و فرش آغلوردی زهرا اوغلونا
جنّتی حورا قیلوب ماتمسرا
باشدا قاره عدندن زهرا گلیب
وا حسینا سسلیوردی مصطفا
حیدر کرّار حسینیم وای دیور
باجیلار مقتلده سسلور وا اخا
یا حسین سن بیل بالون باقر آقا
قیل دعا تبع "صفا" اولسون رسا
- دوشنبه
- 4
- مرداد
- 1400
- ساعت
- 15:42
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه