زین اَب لنگر کشتی نجات
معدن فیض و کمال حسنات
متبرّک آدی نور برکات
جدّی پیغمبر صاحب صلوات
باباسی حیدر امیر عرصات
آناسی فاطمه دل وصفینه مات
حسنینه باجی علیا درجات
سسلسه دادینه هر اهل حیات
سس وئرر بانوی زیبنده صفات
لطف ائدر سائله ارزنده برات
نئجه زینبدی گُل پاینده
شمس آفاق کیمین تابنده
فاضله عاقله شهرت بنده
عفّت فاطمیه زیبنده
شهدانون هدفین پوینده
دین اسلامه قوی رزمنده
سؤزی شمشیر کیمین برّنده
اموی سلطنتین کوبنده
دشمن بی ادبه توفنده
آتشین خطبه سی انوار هُداة
سالک محترمه حیدر خو
فخر ائدر روحینه باغ مینو
باء بسم اللّه زینت بانو
فقط آللّهه ویریبدور زانو
ذکری هر مهلکه ده هو یا هو
پیکر دینه ویریب قانی رفو
دشمنانیله دوران رو در رو
قورخمیان عالمه ی عزّت جو
ستر ناموسینه دارا نیکو
حکم قرآنه ویران مُهر ثبات
اولماسیدی بو خانم بعد قیام
شهدانون قانی باتمیشدی تمام
نه حسیندن آد اولاردی نه کلام
نه عزاخانه، نه منبر نه امام
نه نماز و نه زکات و نه صیام
نه تاپاردی بئله رونق اسلام
بو خانم وئردی هیئاته نظام
شامه چکدیردی قرا بی صمصام
نقشه ی کفری ائدیب بد فرجام
روح والاسینه هر حالدا سلام
اونا قرباندی هامی اهل صلات
اولدی آماج مصائب پیدر
گلدی هر لحظه سراغینه خطر
چیخدی اوّل وطنیندن مضطر
دربدر باشلادی طولانی سفر
کربلاده نئچه مین دیو سیَر
ویردی اخیامینه ظلمیله شرر
وئردی یتمیش ایکی قربان افسر
بویانیب قانینه حتی صودامر
قالمادی زینبه بیر کس یاور
قالانی عورت اوشاقیدی بنات
چون شهید اولدی رجال النّاسی
باشلانیب اهل حرم غوغاسی
باغلانیب بیر ایپه عزّت ناسی
آتاسیز قیزدی علی لیلاسی
هاموسی زینبون هم آواسی
قالمیوب هئچ بیرینون باباسی
نه علی اکبری نه عبّاسی
کوفه و شامه چکور اعداسی
زینبون واردی عجب سوداسی
بزم میخواره گئدور عالیه ذات
الغرض زینبه همراه اُسرا
شامه گلدی یتشیب نوحه سرا
طبق دستور یزید ابن دغا
بزم میشومه گلیب آل عبا
کنج مجلسده دوتوبلار مأوا
عمّه سین آلدی خانملار آریا
قویوب مجلسه بیر طشت طلا
طشتون ایچره سر شاه شهدا
بویانیب قانه لب لعلی یارا
گوزی قزلاردا قتیل العبرات
الده بیر چوب اتورموشدی یزید
مستیدی شعر اوخیوردی او پلید
دمبدم بر سر سلطان شهید
نظر افکنده سپس می خندید
گه به توهین و به تحقیر شدید
خویش را با گُل حق می سنجید
یا به لبهای ثناگوی وحید
چوب می زد که نخواند توحید
زینب از درد به خود می پیچید
می زد از غصّه به صورت لطمات
گوردی دشمن گُلی ایستور ائده خوار
تئز قیام ایلدی بانوی وقار
دئدی ای هند جگر خوار تبار
یوم کثیف آغزوی چوخ وئرمه شعار
خیزرانون یره قوی بد کردار
ویرما قارداشیمی قزلاری باخار
لبلریندن نئجه گور قانی آخار
ئولدورر ایندی ئوزینی بالالار
وای حسینیم سسی عرشه اوجالار
یارالی باشه نه لازم صدمات
او دوداقلارکی ویرورسان نادان
اوپوب ئیلردی رسول سبحان
جان دیردی بالا ای روح روان
سنه اوغلوم اولا جانیم قربان
گلیب حتماً بورا الآن نالان
آناسی فاطمه ده دیلده فغان
باش آچیب عرشده سسلور جان جان
آپارور جنّته اوغلون مهمان
غم یمه سنده "صفا" عشقینه یان
مزدوه منتظر اول روز ممات
- دوشنبه
- 4
- مرداد
- 1400
- ساعت
- 21:28
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه