چيخوبدى ختم الانبياء گرفته حال منبره
ايدوبدى حمدلن ثنا خداى حىّ داوره
گلوبدى جوشه رأفتى مخاطب ايتدى اُمّتى
لسان مشك بيزلن آچوبدى باب صحبتى
بويوردى وار پيمبرين سيزه ايكى امانتى
يوخونلاشوبدى رحلتيم گيدم سراى برتره
كمال اهتماملن بير آز درايت ايليون
آچون اوره ك قولاقوزى گوزل عنايت ايليون
على وصى دور منه اونا حمايت ايليون
كتاب و عترتيم ايكى دليل اهل باوره
وفالى دوستانيمون نه چونكى مهربانيم
اودور اوركده اُمّتون اولونجه ناگرانيم
اصول علم و دانشون جهان بيكرانيم
منم او شهر علم اوزوم عليده بنذيور دره
ال آچميون خطا يره قزيم بتول زار اولا
سعادت ايسته سوز سيزه ايكى جهاندا يار اولا
گرك حقيله الفتوز هميشه پايدار اولا
نه حتك حرمت ايليون او ماه نيك منظره
ايكى شباب جنّتى بتولمون بالاسى وار
حسيننون باشيندا چوخ اسفلى ماجراسى وار
حسنده زهردن يانار مشيّته رضاسى وار
همان او زهرلن باتار جهان عزاى ديگره
اولاركى يوخدى طاقتى جهنمون نسيمينه
گرك ادب گوزتليه امامتون حريمينه
على الخصوص كربلا ديارينون كليمينه
حسينُ مِنّى سويليوب ايشيتدى خلق يكسره
بويوردى سالمسوز منى اذيّت و فشاره چوخ
ويروبلا ديشلريم سينوب اوركده واردى ياره چوخ
ديل آچمارام شكايته بو غمده كردگاره چوخ
باغشلاديم گناهوزى قزيم بتول اطهره
او گوندنيكى حامل لواى دين وحدتم
به امر حىّ لامكان مباشر نبوّتم
كيمه اذيّت ايتموشم قصاصه پيك دعوتم
و يا باغشلاسون منى بو حال زار و مضطره
وصيّت ايلوب اُمّته او كان جود و معدلت
قيتدى دودمانينه رسول فوق منزلت
چاغوردى اهل عيالينى گورگ نه اولدى مسئلت
عموم آل هاشمى سفارش ايتدى بير بيره
بويوردى عدندن منه ويروبلا كوس الرّحيل
گرك وداع ايدم سيزى خبر ويروبدى جبرئيل
حضور يارى درك ايدم اراده ايليوب خليل
امور دينى تاپشورام گرك عم اوغلوم حيدره
باخوردى گوردى فاطمه گلوبدى درده آغليور
زلال اشك گوزلره چكوبدى پرده آغليور
چكور خياله آيرليق غمين نظرده آغليور
باخوردى حسرتيله اول ضعيف و زار پيكره
بو روزگار عمرون قزيم ديدى بهاريدور
جهان سفله پرورون بروز نيش خاريدور
ديسم بلالى باشوين نه گونلر انتظاريدور
شراره ى بلا دوشر نجوم دُبّ اصغره
هاياندا مجتبى اوپوم هوسله گل دوداقينى
نه وقتى گوزلريم دوتور او نو گلون سراقينى
اونوندا جَعده زهرلن ايدر بهم تفاقينى
شهيد اولوب حسن گلر كنار حوض كوثره
ويرون حسينمون چكوم ئولن زماندا نازينى
قوى آيرليق زمانيدى اوپوم او گل بوغازينى
دانيشديريم غم آشنا او بلبل حجازينى
گوزوم اونا باخا باخا يتشسون عمریم آخره
- دوشنبه
- 4
- مرداد
- 1400
- ساعت
- 21:49
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه