ای شیعه آیدین گوزلروز ختم رسالت
قویدی قدم دنیایه بو شمع هدایت
غرق سرور اولسون گرگ اهل ولایت
سالدی جهانه سایه ی ابر سعادت
ایتسون مبارک حیّ تبارک
اولسون گرامی مقدمی یا رب مبارک
سسلندی طاووس ملائک آسماندا
یا ایها النّاس البشاره بیکراندا
وار فوق شادی گوشه ی باغ جناندا
سیزده ویروز سس ای مسلمانلار جهاندا
ایتسون مبارک حیّ تبارک
اولسون گرامی مقدمی یا رب مبارک
به به ایکی بایرام اولوب عالی مصادف
خوشدور ایکی مولودیدن اول سنده واقف
بیر جوت گرامی متقی ذاتاً مرادف
مولا امام صادق و محمود عارف
ایتسون مبارک حیّ تبارک
اولسون گرامی مقدمی یا رب مبارک
مولود مسعود محمّد مصطفادن
تاپدی خلل ایوان نوشیروان بنادن
بت لر یغیشدی صحنه ی ام القرادن
خاموش اولوب آتشکده دوشدی ضیادن
ایتسون مبارک حیّ تبارک
اولسون گرامی مقدمی یا رب مبارک
ای طُرّه ی طرارینه باغلی علایق
ای مایه ی فخر رسولان و خلایق
ای رهنمای اُمّت و اهل حقایق
گل صورتی گلبرگ ریحان و شقایق
ایتسون مبارک حیّ تبارک
اولسون گرامی مقدمی یا رب مبارک
وصفونده سویلر حضرت باری تعالی
بیر رمز غیبیلن سنه لولاک لولا
ای عالمون امّیدی ای احبابه مولا
وی رتبه ی شایانی هر اولادن اولا
ایتسون مبارک حیّ تبارک
اولسون گرامی مقدمی یا رب مبارک
عالم صفا تاپدی جمال انوروندن
لاهوتیان فیض آلدی کُلّاً محضروندن
مست اولدی کیم ایچدی محبّت ساغروندن
یوسف قالوب حیرتده زیبا منظروندن
ایتسون مبارک حیّ تبارک
اولسون گرامی مقدمی یا رب مبارک
نور خدا ایتدی منوّر چون جهانی
حورا چراغان ایلدی قصر جنانی
چشمک ویروردی اختران آسمانی
اللّه آیرما عشق مولادن "صفانی"
ایتسون مبارک حیّ تبارک
اولسون گرامی مقدمی یا رب مبارک
- سه شنبه
- 5
- مرداد
- 1400
- ساعت
- 11:15
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه