اى گل باغ امامت بو جهانه خوش گليبسن
سن بو گون گلزار دين شيعيانه خوش گليبسن
السلام اى مهر و مه دن باج آلان نور جمالى
السّلام اى دوقّوزيمجى حجّت باريتعالى
هم جواد و هم تقى سن حاتم بذلون كمالى
طاير خوشبختِ ملكِ جاودانه خوش گليبسن
اى گل باغ امامت بو جهانه خوش گليبسن
سن بو گون گلزار دين شيعيانه خوش گليبسن
اى امام ملك ايمان اى معين اهل قرآن
دهم ماه رجبده عالمى ائتدون چراغان
گل جمالوندن مدينه شهرى اولدى نور باران
سس دوشوب نُه طاق عرش آسمانه خوش گليبسن
اى گل باغ امامت بو جهانه خوش گليبسن
سن بو گون گلزار دين شيعيانه خوش گليبسن
اى سراپاى وجودى جود و احسان و فضيلت
سيزدن اؤترى بو جهانى خلق ائديب ذات حقيقت
هر نه نعمت وار سيزوندى بيزده يوخ واضح لياقت
خوان احسانوزدن آلّوق ماهيانه خوش گليبسن
اى گل باغ امامت بو جهانه خوش گليبسن
سن بو گون گلزار دين شيعيانه خوش گليبسن
روز مولودوندى مولا اى عزيز آل طاها
سن دعا ائتسون بو جمعى ايلمز رد ربّ الاعلا
شرط مقبول دعاسن سن بيزه اى پور زهرا
اى غريب شهر طوسه نازدانه خوش گليبسن
اى گل باغ امامت بو جهانه خوش گليبسن
سن بو گون گلزار دين شيعيانه خوش گليبسن
اى امام مشرقينم اى جواديم نور عينيم
اى امامت عالمينده دوقّوزيمجى مه جبينيم
شوق وصلوندن اوجالدى آسمانه شور و شينيم
وئر بيزه ايندى الونلن عيديانه خوش گليبسن
اى گل باغ امامت بو جهانه خوش گليبسن
سن بو گون گلزار دين شيعيانه خوش گليبسن
حيف اولا عمرون آز اولدى گورمدون خوش گون جهاندا
خائن اولدى ئوز عيالون قالمادون حصن اماندا
اولماسين اللّه عيالى هيچ كيمون خائن نهاندا
حيله آرواد چوخ ياراشور بو زمانه خوش گليبسن
اى گل باغ امامت بو جهانه خوش گليبسن
سن بو گون گلزار دين شيعيانه خوش گليبسن
- سه شنبه
- 5
- مرداد
- 1400
- ساعت
- 14:17
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه