عمریمون دفتری یارب یتیشور پایانه
یوخ عمل فکر ایلینده اولورام دیوانه
نه گتوردون دئسه لر قبریده اولام غمگین
وار ترازوی عملده گنهیم چوخ سنگین
اولارام عرصه محشرده حسینه ننگین
عمریمون جامی دولوب قالدی نچه پیمانه
گورورم پیک اجل گوزلویوری «صادقینی»
نه گوزیلن گوره جاق یوم پسین خالقینی
راضی اولما سنا دوست ایچره حسین عاشقینی
سن ذلیل ایلمه قوی من یاشیوم مردانه
او قرانلق یره من یوللامادیم دوزدی ایشیق
بوش الیلنن اولاجاق اوردا منه هاردان ایشیق
سن بول اللهلغین اوندا سن ئوزون یوللا ایشیق
ای ویرن نورینی شمس و قمر تابانه
تاپشوراندان سورا قبر ایچره فقط دادرسیم
غیر سن اولمیاجاق همنفسیم یا که کسیم
دینه منکر منی اینجیتمیه قورخومندان اسیم
آخی سن امر ایلدون حرمت ائدون مهمانه
آند ویرّم سنی پیغمبریوین رحمتینه
آل حیدردن اولان امّتیوین حرمتینه
عرشیده ثبت اولونان فاطمه وین عزّتینه
عاصیم واردی گوزوم سنده اولان احسانه
- چهارشنبه
- 6
- مرداد
- 1400
- ساعت
- 15:25
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه