دور حسین زینبی دانشدیر
آز منیم قلبیمی آلشدیر
گوندوزوم دوندی شامه قارداش
غم یتوبدور تمامه قارداش
دور حسین ای شه مدینه گوزون آچ
گلمیشم قارداش اربعینه گوزون آچ
امان قارداش امان قارداش
گوزون آچ بیر اویان قارداش
باخ گوروم زینبی تانورسان ؟
حالینی گورسن اودلانورسان
دوزموشم هر بلایه قارداش
گلمیشم کربلایه قارداش
دوشموشم درده دور شفا وئر یارالی
تربتوندن منه دوا وئر یارالی
یارالیم یارالیم
سنه قارداش وفالیم
شامیدن گلموشم یارالی
آچ گوزون ای منه وفالی
چوخ سوزوم واردی کربلادن
یانمشام جور اشقیادن
گور حسین زینبین نجه حاله قالوب
بوکولوب سرو قامتی داله قالوب
یورولموشام یورولموشام
ایراق سندن وورولموشام
من دیوم کوفه دن حکایت
یا ائدوم شامیدن شکایت
کوفه ده چکموشم خجالت
شامیده گورموشم شمادت
کوفه ده باشیوی گورن قیز مله دی
شامیده گوزیاشین بلوط تک اله دی
سنه چوخدور سوزوم قارداش
نجه سنسیز دوزوم قارداش
قیزلارون بیر به بیر گتوردوم
قبریوین اوستونه یتوردوم
اوچ یاشیندا بالاوی قارداش
عفو ائله شامیده ایتوردوم
بیرگجه گوزدن عالمی آتدی بالام
یاره لی باشیوی گوروب یاتدی بالام
دئنن سن بلبلوم لایلای
دیوم منده گولوم لایلای
- پنج شنبه
- 7
- مرداد
- 1400
- ساعت
- 11:51
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه