ای علمداریم ابالفضل تشنه سرداریم ابالفضل
تک منی قویما بو چولده یوخ هواداریم ابالفضل
دور یاتماقین لذتی یوخ
دور قولومون قوتی یوخ
دور دیزیمین طاقتی یوخ
دور بئله یاتما
ای منیم ماهیم ابالفضل شوکت و جاهیم ابالفضل
ئولدورر زینبی قارداش یاندیران آهیم ابالفضل
دور ای منیم تاج سریم
دور یارالی همسفریم
دور داغلیوب بال و پریم
دور بئله یاتما
آچ گوزون ای منه قارداش غم گونونده منه یولداش
چوخلی سوز وار اورگیمده داخی یوخدور منه سرداش
دور سسیمه سس وئرنیم
دور قلبیده وار محنیم
دور وار بوچولده گولنیم
دور بئله یاتما
اصغریم خیمده یاندی آناسی جانه دایاندی
سوز دوشوب دیللره سقا سویا گئتمیشدی یوباندی
دور منی تک قویما قالام
دور قاداوی جانه آلام
دور گلمیوب نازلی بالام
دور بئله یاتما
زینبیم گورمسه سیزلار یولووی گوزلوری قیزلار
الیوه مشکیوی آل گل خیمده یاندی سوسوزلار
دور گل کیمی ای سولانیم
دورعمرودن تیز دویانیم
دور باشیوا من دولانیم
دور بئله یاتما
سن یوموب گوزلری قارداش باجیوی گوزدن آتوبسان
نیه بو دشت بلاده بئله آسوده یاتوبسان
دور قیزلاریم چولده ملر
دور غم اوخی قلبی دلر
دور ننه میز ایمدی گلر
دور بئله یاتما
- پنج شنبه
- 7
- مرداد
- 1400
- ساعت
- 11:54
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه