یوم عاشوراده دخت بو تراب
نصفی یانمیش خیمیه ائتدی خطاب
گلمیشم جانه حیاتیمدن بو گون
راضیم ئولسم مماتیمدن بوگون
صبحیدن گوردون کی سینه داغلادیم
هر کسیم میدانه گئتدی آغلادیم
نچّه گون سنده قالوب آل عبا
بس هانی یولداشلارون ای بی وفا
سوز سرماده آچاردون پایه وی
سن حرارتده سالاردون سایه وی
گل دیله منلن دانیش اکبر هانی
آلتی آیلیق سود امر اصغر هانی
یوز دوتاردی سنده لیلا اکبره
تئز دییًردی گئت گتور سو اصغره
اصغره لای لای چالوب سنده رباب
ایمدی گور نیلور او یالقوز دل کباب
گه یانور آغلور یانان گهواریه
گه رقیم آغلوری گوشواریه
سن گورورسن کی نجه پورقوندولار
آغلاماقدان صبحیدن یورقوندولار
گه سریه آغلوری قاسم هانی
گه سکینه سویلور عباسیم هانی
قارداشیم عباس ساخلاردی سنی
سویله اود ووردی سنه هانسی دنی
بو گئجه یوخ پاسبان اطفالیمه
وای منه ایوای منیم احوالیمه
لطف ایله تا من یغوم اولدوزلاری
بوگئجه ایمنده ساخلا قیزلاری
گوزدن آتما قیزلاری من آتمارام
خواهشیم وار یاتما منده یاتمارام
بو گئجه قورتولسا گلسه صبح زار
آگَهَم شاماته اولّام رهسپار
نظمه چکدی « صادقی» بو سوزلری
هر سوزی یازدوقجا دولدی گوزلری
حشریده گورسون نه حیران ایلرم
آند اولا زهرایه جبران ایلرم
- پنج شنبه
- 7
- مرداد
- 1400
- ساعت
- 11:59
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه