خوش سنون حالیوه گیدوبسن گورموسن سن کرب وبلانی
قلبیدن دینجلوبسن آخر سن گورنده پایین پانی
اکبره ایوای دینوسن آغلاموسان
اصغره لایلای دیموسن آغلاموسان
خوش حالیوه
سالموسان سن یولون فراته چاتموسان قلبیدن صفایه
اوسودان دستماز آلاندا ایتموسن اوسویا گلایه
یادیوه سالموسان آی اولدوزلارینی
آغلیان چوللرده سوسوز قیزلارینی
خوش حالیوه
سن گئدوب مقصدیوه چاتون دردیوه ایلدون معالج
دی گوروم سن هانسی مکاندا سسلدون یاباب الحوائج
گورموسن عباسین گئدن یوللارینی
کوچه ده گورموسن دوشن قوللارینی
خوش حالیوه
وارصفا تلیدن باخاندا قتلگاهه نظر سالاندا
لاجرم گوزیاشین آخوبدی زینبی یادیوه سالاندا
خانمین گوزیاشی آخان یردی اویر
بویلانوب قارداشا باخان یردی اویر
خوش حالیوه
دیلده وار کربلا هواسی قبرینون وار عجب نماسی
خیمه گاهه گیروب چخاندا قوزانار زائرون نواسی
بیریسی اکبروابوالفضل دانشار
بیریسی سس ویرر ربابه آلیشار
دییر ایوای
یا حسین واردی بو اورکده «صادقینین » بیر التماسی
قبرینین اولین شبینده اول ئوزون دردینین دواسی
قلبیده باشدا الده ای یاره سی چوخ
قویماتک نوکرون قالا چاره سی یوخ
دییر ایوای
- پنج شنبه
- 7
- مرداد
- 1400
- ساعت
- 12:0
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه