ای زینبون آرامی یارالی باجون ئولسون
دور آچ گوزیوی گلدی وفالی باجون ئولسون
ای شاه ولایت
یاتما بئله راحت
من سندن حسین آیریلالی کربو بلادن
بو قرخ گونی آیرلمادیم هرگز اسرادن
اما سنه چوخ واردی سوزوم اهل جفادن
آرتیب باجیوین باشدا ملالی باجون ئولسون
ای شاه ولایت
یاتما بئله راحت
میندیردیله تا عترتیوی ناقیه قارداش
هر ناقه نی تاپشوردولا بیر یاغیه قارداش
تا اولمادی یر یرده قالان باقیه قارداش
باغاندولا زنجیره بلالی باجی ئولسون
ای شاه ولایت
یاتما بئله راحت
تا کوفیه چاتدوخ دایانوب قافله قارداش
سن صحبت آچوب زینبی گتدون دیله قارداش
اثبات ایلدیم حقی بوتون باطله قارداش
رسوا ائلدیم مست رجالی باجون ئلسون
ای شاه ولایت
یاتما بئله راحت
تا نحس دیلون آچدی زیاد اوغلی دانیشدی
سوز جوشه گلوب قلبیم الو چکدی آلیشدی
تا حقی دئدیم اهل جفا جمله قاریشدی
هر یرده اگر اولدی مجالی باجون ئولسون
ای شاه ولایت
یاتما بئله راحت
شام اهلی ولی ظلمیده چوخ ایلدی طغیان
رحم ایلمیوب باشیمیزه توکدوله نیران
آز قالدی باجون عمری تاپا شامیده پایان
یاندیردلا بیر عده مارالی باجون ئولسون
ای شاه ولایت
یاتما بئله راحت
ویرانه دن اما نه دیوم یوخ داخی طاقت
یاندیردی منیم قلبیمی اول یرده اسارت
آلدی بالاوی الدن عجب ائتدی خجالت
تا گوردی باشون ئولدی غزالی ، باجون ئولسون
ای شاه ولایت
یاتما بئله راحت
تا یومدی گوزون دوشدی بالان بیزدن آرالی
آز قالدی ئوزون ئولدوره بیر عده حیالی
باش داشینه یازدیم بو بالا ئولدی عزالی
گیتدی داخی ویرانه جلالی ، باجون ئولسون
ای شاه ولایت
یاتما بئله راحت
سندن یارالی من خجلم ائتمه گلایه
الله بولوری من نجه دوزدوم بو بلایه
گوزیاشلی یتوردوم ئوزومی کرب و بلایه
اولدی باجیون قدی هلالی باجون ئولسون
ای شاه ولایت
یاتما بئله راحت
- پنج شنبه
- 7
- مرداد
- 1400
- ساعت
- 12:12
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه