او گون کی قصد سفر ایلدی شه دوسرا
دیار یثربه سالموشدی سایه جور و جفا
گوتوردی اهل و عیالین مدیندن چخسون
گلوبدی روضه پیغمبره او نور خدا
ازل ادبله دوروب جدینه سلام ایلدی
توکوبدی گوز یاشینی عرض ائدوبدی یا جدا
گرک گئدم بابا جان یازدوروبدی نامه یزید
بو قصدیلن کی توکه قانیمی یره اعدا
نه اینکه کعبه ده حق قتلی ایلیوبدی حرام
اولوبدی امری منه ایمدی لازم الاجرا
گلنمه سم اوزون عفو ایله گر زیارتیوه
بو امریدن بالان عذر ایستور ای شه بطحا
گوتوردی اهل و عیالین مدینه دن چخدی
دوشوبدی چوللره اولاد حضرت زهرا
بو نیتیله گئدوب کوفه ده ائده مسکن
ائدردی طی منازل گئجه گونوز مولا
ولی یول اوسته دچار اولدی لشکر کفره
دایاندی قافله اولدی اسیر دشت بلا
چاغوردی محضرینه بیر عرب سوال ایلدی
ندور بو یر آدی گلدی قولاقینه بو صدا
یازولا ماریه و غاضریه دی بو مکان
بیر آیری آدیده واردور دیلًه کرب و بلا
بولوب قضیه نی اندی اشاقه مرکبدن
اوجاتدی ال دئدی سبحان ربی اعلی
خبر وئروبدی ابالفضله شاه دین او زمان
بویوردی ای آتامون یادگاری ای سقا
عنایت ایله بوتون قافله یره دوشسون
بو یرده لطف ایلیون خیمه لر اولا برپا
خبر وئروبدی آتام وعده گاه حقدی بو یر
بو چولده حقیله باطل گرک ائده دعوا
ولی دئنن او چوخور یرده خیمه لر قورولا
ائشیتدی تا بو سوزی گلدی زینب کبرا
فدا اولوم سنه قارداش ائشیتمیشم آتامیز
خیامونی اوجا یر اوسته ایلیردی بنا
سبب ندور بو مکانی سن اختیار ایلدون
مگر نه واردی باشوندا منه ائله افشا
بویوردی ای آنامون نائبی باجیم زینب
بیر آزدا گل یاخنا قوی سنه دیوم تنها
آتام کی جنگه گئدردی بولردی وار ظفری
ولی بو چولده باجی یوخ منه ظفر حاشا
بو چولده اکبریمی ظلمیله عدو دوغرار
شبیه حضرت مختاری قوم ائدر اربا
علی اصغریمه حرمله وورار بیر اوخ
من آغلارام اونا دشمنده آغلیار حتی
سو اوسته قولاری عباسیمون دوشر تندن
منیم بلیم بوکولر عترتیم قالار تنها
وورالا ظلمیله اود خیمه لر یانار زینب
اوزون مواظب اول آغلار رقیه واویلا
قوتار بو مطلبی ختم ایله « صادقی » یاندی
الونده خامه و اوراق سسله یا زهرا
- پنج شنبه
- 7
- مرداد
- 1400
- ساعت
- 13:24
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه