گل منیم هجر اودونا قلبیمی قان ائتمه آقا
گوزومی یولدا قویوب اشکی روان ائتمه آقا
او گوزل مقدمیوی قوی گوزومون اوسته ولی
کوه و صحرالری گل بسدی مکان ائتمه آقا
دوزدی یوخدور عملیم کوسمه آنان خاطرینه
گلمورم کلمه سینی گوزله بیان ائتمه آقا
باخورام یوللارا بو جمعه او جمعه ایلورم
سنی زهرا جانی تئز گل یاری جان ائتمه آقا
قورخورام پیک اجل تئز گله عمروم قوتولا
بوندان آرتیق منی لطفاً نگران ائتمه آقا
بو یوزی قاره سببدور آغاروب زلفلرین
سن منیم حالیمه گل آه وفغان ائتمه آقا
سنه زهرا غمی بسدی داخی اینجیتمه ئوزون
منه خاطر او گوزل قدّی کمان ائتمه آقا
سنی محسن جانی گل فاطمه نون حقّینی آل
زینبی حشره کیمی مرثیه خوان ائتمه آقا
بیرده « شیدانین » ئوزوندن صورا بیر آیری کسه
الین آچدیرما نهـــان دردین عیان ائتمه آقا
- جمعه
- 8
- مرداد
- 1400
- ساعت
- 11:34
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه