ندامتینده یزید ستمگر و شومین
بیرآیری قصه ده وار ذکراولونسا حسنا دور
خرابه شامیده ویرانیه گلن آهو
بلر خبرلره هرکیم بصیرو دانادور
گلوب خرابه ده درد دلین امامه دیدی
بلوب امامین هامی خلقه حکمی مجرادور
سوروشدولارندی مولا مرامی آهونون
بیزه نهاندی و لیکن سیزه هویدا دور
دیدی بونون بالاسین صید ایدوبدی بیرصیاد
گلوبدی سینه سینه سود دچارایذادور
گرک گیدم بونی راحت ایدم اولام راحت
تقیه وقتی دگل موقع تقلا دور
یغوبدی بوینونا زنجیری خسته حالیله
که یعنی بیکسه نصرت اولونسا حسنا دور
گلوبدی منزل صیاده زین العباد =
بیان ایدوب او که دلده اولان تقاضادور
جواب ویردی یوخ امکانی ویرمرم هرگز
بو صیدیدن منه منظور بو تمنادور
یزیدین اوغلونا تحفه ویرم آلام انعام
او شاهزاده دی جودو سخایه دارادور
بویوردی ایمدیکه مطلب بیله اولور معلوم
بو صیدیدن سنه منظور مال دنیادور
دایانما آچ اتگون من سنه ویروم زرو سیم
دیمه اسیریدی عاجز دی ناتوانادور
اوزاتدی اوزاتدی او دم کیمیا اثر الینی
گوتوردی یردن اله قدری ریک صعبادی
توکوبدی دامن صیاده سیم و زر اولدی
غریبه معجزعجب قابل تماشادور
گتوردی ویردی او آهو بالاسینی صیاد
دیدی بو معجزه حیران قالان مسیحا دور
گینه امامیله آهو خرابیه گلدی
گوزوم دایانما توک اشکین که جای ابکادور
نگوردولر که درون خرابدن ناگاه
ایله سیزیلتی گلور گوئیا که ثکلادور
سوروشدولار ندی بوناله آغلیان کیمدور
رباب ناله سیدوریا که ام لیلادور
دیدیله اصغرآناسی گوروب بو آهونی
سالوب سوسوز بالاسین یاده اشکی دریادور
ایدوری ناله بو دمده دیور علی اصغر
اوغول دیمه سوسوزام ایمدی سود مهیادور
- جمعه
- 8
- مرداد
- 1400
- ساعت
- 12:33
- نوشته شده توسط
- یوسف اکبری
- شاعر:
-
مرحوم حسین شانی تبریزی
ارسال دیدگاه