قربان اولوم جلالووه یا ثامن الحجج
عالم فدا کمالووه یا ثامن الحجج
پابوسووه مشرّف اولان زائرون یقین
غبطه ائدر جلالووه یا ثامن الحجج
یوسفده گورسه حسنووی واللهی بیگمان
حیران قالار جمالووه یاثامن الحجج
حور وملکده ای گل گلزار سرمدی
عاشقدی خط خالووه یاثامن الحجج
فوج ملک ندندی آقا غبطه ایلیر
افکار ایده آلووه یاثامن الحجج
چوخلاری ایستدی گئده عالمده حقّ یولون
باخدی سنون روالووه یاثامن الحجج
امر ایلیوبدی حقّ بیزه بخشش سنونکیدی
گوزتیکمیشوک نوالووه یاثامن الحجج
َ
کان کرمدی بارگهون ، جانیمیز فدا
اندیشه ی زُلالووه یاثامن الحجج
شکر ایلرم جهاندا سنون تک بنام عشق
خلّاق ذولجلالووه یاثامن الحجج
حیرتده قالدی جنّت العلاده انبیا
باخجاق سنون خصالووه یاثامن الحجج
محشرگونونده عاشق صادق یقیندی بو
الحق چاتار وصالووه یا ثامن الحجج
اهل کمال و معرفت و اهل معدلت
حیراندی شور وحالووه یاثامن الحجج
آلدون اوگونکی حضرت حقّدن مدال عشق
فخر ایلرم مدالووه یاثامن الحجج
تیموری یم قاپوندا قوجالدیم بو عشقیلن
جان بذل ائدم مقالووه یاثامن الحجج
- جمعه
- 8
- مرداد
- 1400
- ساعت
- 12:55
- نوشته شده توسط
- یوسف اکبری
- شاعر:
-
علی تیموری
ارسال دیدگاه