یارب آلوبدی غملر الیمدن توانیمی
رخساریمه روان ائدوب اشگ روانیمی
اندوه و محنتیله وجودیم اولوب اجین
بیرکیمسه یوخ دیم اونا درد نهانیمی
دوندی خزانه گلشن عمروم بودهریده
ویران ائدوبدی دیلده اولان آشیانیمی
پوزدی ستمله گللریمی صرصر خزان
پرپرائدوبدی یاسمن و ارغوانیمی
سیندیردی شاخ برگیمی گلچین روزگار
گوش فلک اشتمیوب اصلا فغانیمی
یانام شرارغصده نی تک سیزلدارام
چاره م ندورزمانه پوزوب گلستانیمی
تا من وارام منیله بوغملر انیسدور
قویمازفراغیله یاشاسین خسته جانیمی
بیرگون سواله دوندی دیلیم ایلدیم بیان
ای ایلین ملکلره برتر مکانیمی
قان ایلیوبدی باغریمی بوچرخ کجمدار
اول قانیله مخمر ائدوب قوت نانیمی
کیمدورمنیم مثالیم اولا دردوغصده
بولسون نجه داغتدی فلک دودمانیمی
بیرسس دیوب قولاقیمه گویا اولحظده
یادان چخاتدی باشه گلن داستانیمی
گوزمنزلینده جلوه لنوب کربلاچولی
ممزوج ائدوبدی گوزیاشینا دیلده قانیمی
مینلرنفرسپاه عدو عرصه گاهیده
آلمشدیلار آرایه شه مهربانیمی
هل من معین دیوردی شهنشاه بی معین
گوزیاشی جوشه گلدی دوتوب دیده گانیمی
ائتمیشدیلرکمکلرینی کوفیان شهید
قالمشدی عرصه گاهیده سلطان دین وحید
بیریاحسین سسی اوجالوب مهروماهیدن
یوزدوندریب اوحالدا حسین رزمگاهیدن
اخیامه گلدی علت غایی ممکنات
سبقت آلاردی دیلده اولان آهی آهیدن
فرمایش ائتدی زینبه سلطان بی بدیل
علت ندوراوجالدی نواخیمه گاهیدن
تامن وارام دئمیشدم ائدون صبره اکتفا
ببرکس ائشدمسین سسوزی بوسپاهیدن
ویردی جواب حسینینه علیامکرمه
ای جسم بی حیاته وئرن جان نگاهیدن
هل من معین سسون آپاروب جیسمدن قرار
آخدی عذاره گوزیاشی گئچدی میاهیدن
شبنم کیمی دوزولدی سولان شیرخواره نون
گوزیاشی آخدی صورتینه دیده گاهیدن
گویا گلوب دله دیدی ای شهریارعشق
قویما دوشم بوچولده اوزاق شاهراهیدن
دین اوسته جان متاعینی بذل ائتماقا بوگون
وارالتجاسی سودامرون غملی شاهیدن
ویرشیرخواره اصغروی دینوه فدا
قوی بهره منداولوم بو ره انتباهیدن
لطف ایله قویماخیمده عطشان اولم بوگون
سال ظل رحمتون باشیما گاه گاهیدن
باخماسوسوزدوداقلاریمااولما دلغمین
سیراب اولاربوچولده خدنگ سپاهیدن
دوغراندی ظلم الیله شبیه پیمبرون
جان قورتارانمیوبدی بوگون حربگاهیدن
اکبریولوندا اصغری وئردینه ائتمه غم
آلام بویولدا رتبیه شایان الاهیدن
دلدن شرار آه حسین چخدی برملا
الله بولورنه حاله قالوب شاه کربلا
ویردی عبانین آلتیناطفلین اومسطتاب
لشگربرابرینده گلوب ایلدی خطاب
علت ندوربوقدری جفادن اوتانموسوز
جوریله ایلدوزیارالی قلبیمی کباب
اخیامیده سوسوزدان اولورقیزلاریم هلاک
سد ائتموسوزسویولارین ای قوم ناصواب
منلن اگرواروزدی عداوت بالالارین
واردورنه جرمی ایلمسوزگوزلرین پرآب
انصاف ائدون بوقافلده شیرخواره وار
هئچ کافرایلمزبوقدرظلم بی حساب
فکرائتمیون سوسوزدی حسین سوخیالی وار
الدن گیدوب توانی ویا قالمیوبدی تاب
اصغرغمی آپاردی دیلیمدن قراریمی
بیرجرعه سوویرون ائده بیرلحظه بلکه خواب
ایسی هواده پارچالانوبدوردوداقلاری
رخساره قطره قطره آخورگوزدن اشگناب
دلدن سالوبدی آغلاماقی غملی مادرین
فریاده گتدی عالمی تترردی نه قباب
سلطان دینون اللری اوستونده اصغری
ائتدی یانقلی دللریله دشمنی مجاب
سعداوغلی گوردی لشگرینی انفعالیده
فرمان وئروبدی حرملیه خانه سی خراب
خاموش ائله اوشمع هدانی خدنگیله
نافذکلامیله وئروری روحیمه عذاب
واراعتذاریم عرضیمه بیرظلم ائدوب اوشوم
قان آغلادی سپهره ولایتده آفتاب
اوچ پراوخیله ئوزدی اوشهزاده حنجرین
آغ قونداقینی قرمزی قان ایلدی خضاب
یاندی بوغمده فاطمه نین غملی دلبری
گویاچاغوردی دادینه عباس حیدری
ای دشت غمفزاده منیم یاوریم اخا
تزگل هرایه اولدی علی اصغریم اخا
گلدن لطیف بوغازینی ذبح ائتدی تیرکین
یتدی مرامه دشمن بد اختریم اخا
آفت یتشدی گللریمه گلشنیم سولوب
قان اولدی گوزلریمده سرشگ تریم اخا
اولدی علاوه محنت اکبردن اصغریم
یادان چخوبدی ایمدی علی اکبریم اخا
سیراب ائدوبدی حرمله اوچ پرخدنگیله
سوایستمزدوباره سوسوز دلبریم اخا
اوخ حنجرین بیچنده گولومسوندی بوبالا
یاندی شرارغمده دل مضطریم اخا
قونداق ایچینده قانه بویاندی گوزل بالام
آغلاتدی عرش و فرشی گل احمریم اخا
بوچولده یالقوزام منه اولسا حمایتون
اولام رهین منت سرلشگریم اخا
دورقویماقالسون اللریم اوستونده اصغریم
گوزلورخیامیده یولونی خواهریم اخا
اوغلی اولن ربابه نه نوعی ائدوم بیان
تابوت اولوبدی اصغرینه اللریم اخا
ایکاش اولیدی بوردا ابوالفضل ائده مقال
بونوعی عرض ائدردی منیم سروریم اخا
سن سسلینده قولسوزعلمداری دادیوه
معناده قان اللردی یوزه گوزلریم اخا
ویراصغری قوجاقیمه فکرایلمه منیم
آماج اولوبدی نیزه لره پیکریم اخا
آلام یارالی سینمه شش ماه اصغری
سینمده ساخلیاراونی دیرسگلریم اخا
القصه خیمه لردالسینداقازوب مزار
ال تاپماسون اوسودامره بلکه اهل نار
اولموشدی دفن ائدنده سوزی دیلده جان بالا
ائتدون عجب بوچولده منی باغریقان بالا
یاندیردی قلب زاریمی لب تشنه اولماقون
بیرجرعه وئرمدی سنه سوکوفیان بالا
دوندری قانه گوزیاشیمی حرمله منیم
قان آغلادی ملالیمه لاهوتیان بالا
محشرگونی آنام اونااولمازیقین شفیع
ظلمیله الدوربدی بوگون میهمان بالا
سوایستینده ویردلا اوخ آخدی گوزلرون
آل امیه کینه سین ایلوب عیان بالا
چوخ بی مروتیمش اوغول خاصه قاتلون
اوچ پر اوخا بوغازوی ائتدی نشان بالا
سپدیم بوغازون قانینی عرش داوره
اولدی اودمده قرمزی رنگ آسمان بالا
دنیادولاندی باشیمااوخ دگدی حلقوه
طاق اولدی طاقتیم گئدوب الدن توان بالا
مخیمده گوزلیورسنی غمدیده مادرون
هجرون آلوب ربابدن آرام جان بالا
آردونجاآغلیورسنی سسلوریانایانا
گل ای گوزوم ضیاسی دیورهارداسان بالا
صوداولمادی دوشومده خجیلم بوباره دن
عفوایله شرمسارم ئوزوم مهربان بالا
سووئردیلرویاکه هله تشنه سن علی
قلبیم اولوب خیامیده چوخ ناگران بالا
دیل آچمامیش جفائیله ئولدوردی اشقیا
قویمازبوقانی یرده حق لامکان بالا
بیرگون گلرجهانه آلارانتقاموی
حکم حقیله مهدی صاحب زمان بالا
مقراض غم (جوانی)قیروب تارصبروی
ایله دعا وئرسون علی اصغر اجروی
- شنبه
- 9
- مرداد
- 1400
- ساعت
- 13:4
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه