تزیتیش دادیمه سلطان کرم آی قارداش
تشنه لب عاشق شوریده سرم آی قارداش
گل عمروم سارالوب
گوزلریم یولداقالوب
حسینیم گل حسینیم گل حسینیم گل
قان دولوب گوزلریمه گورمورم هئچ بیرطرفی
کوفیان ساتدیلاسیم و زره دین وشرفی
اولموشام عرصده قارداش داش آتانلار هدفی
قولسوزام داده یتش بی سپرم آی قارداش
ظلمونی نوفل پست ایلدی بالمره عیان
نقش ائدوب پیکریمی تپراقین اوسته بوزمان
صدمه یتدی باشماسالدی محاقه منی قان
بحرخون ایچره الان غوطه ورم آی قارداش
باشما دگدی عمود دوشدی عمامه باشدان
قرمزی قان سوزلوب آخدی عذاره قاشدان
کسدی امیدیمی ائل طایفدن قارداشدان
اودوئروب قلبه عدو شعله ورم آی قارداش
گورمدی دیده لریم باشه دگن وقته عمود
مرکب اوسته اوتورابولمدیم ای فیض وجود
ایلدیم یاره لی باشیله تراب اوسته سجود
طائرعشقم و بشکسته پرم آی قارداش
قولاریم دوشدی بدندن گونوزوم اولدی قرا
توکلوب باشیمه کرکس صفت اون یدی دغا
ائله بیر ظلم ائلیوبلرمنه گلمزدئماقا
تیرآهیله سپهری دللرم آی قارداش
ئوزلوردامن وصلوندن الیم میرحجاز
جان مشامین بورویوب ایسی قوم اوستونده ایاز
گورماقابیرده سنی ایلیورم رازونیاز
نقدر وارنفسیم سسلیرم آی قارداش
شیریزدان کیمی شیریل هیجایم من
قاف عشقونده قنادسیز دوشن عنقایم من
کاسه جامی سینان ظلموله سقایم من
خون دل دیده لریمدن اللرم آی قارداش
کوفیان ائتدیله شرمنده منی اصغردن
گل کیمی سوزعطشدن سارالان لبلردن
شیرخواره بالاسی الده قالان مادردن
حالینه حشره کیمی دیده ترم آی قارداش
آزقالوردفترعمروم یتشه پایانه
اودسالوب شوق وصالون بودل سوزانه
قویماتوش اولسون ابوالفضلون اخا حرمانه
گل الون قوی باشیما دیده ترم آی قارداش
ائوی آباد اولا زهرا آنام اعزاز ائلدی
آنالارتک منه الطافینی ابرازائلدی
ئوزونی محنت واندوهیمه دمساز ائلدی
مقدمین وئرسه اجازه ئوپرم آی قارداش
واردی بیردردی جوانی ائلیورآه وانین
دلده کی دردینی واضح دیه بولموراو غمین
قسمت ایله اولازوار بقیع زاروحزین
نوکروندی شه گلزار ارم آی قارداش
- شنبه
- 9
- مرداد
- 1400
- ساعت
- 13:29
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه