یانرام آتش هجـرانیوه هرآن آناجان
ایلیوب زینبوی غصه پریشان آناجان
فلکین گردشی یارای سخن مندن آلوب
سن اولندن باشیماابرمحن سایه سالوب
گویرن صورتوین نقشی خیالیمده قالوب
زینبین قلبین اوغم ایلدی شان شان آناجان
ائوده محرابیوه بودیده لریم کی ساتاشور
بحرمحنت گلوری موجه آناباشدان آشور
خرداسنیمده یتیملق منه گور هیچ یاراشور
بویتیمه قیزون اولسون سنه قربان آناجان
آناسیزقیزسحرآخشام یوزه گوزیاشی الر
آه جانسوزی داشا دگسه یقین داشی بو لر
بیربئله غصده آخراورگی درده گلر
دیرایکاش اجل درک ایده الان آناجان
فرقتون باعث اولوب صبح ومساگوزیاشیما
تنگ اولوب وسعت دنیاباجیماقارداشیما
دست تقدیرسالوبدورقره معجرباشیما
آناسیزائتدی منی دوره دوران آناجان
یری واردور آنام ایوای اولا هرلحظه سوزوم
دردهجرانیوه الله بولوری یوخدی دوزوم
درودیواره باخاندا دولوراشگیله گوزوم
بیرسنق نی مثلی ایلورم افغان آناجان
هامی اولاده مسلمدی کی مشگلدی فراق
قیزاوشاقی ولی دوزمز غم ائدرصبرینی طاق
طاقتین غصه الیندن آلی تتررال ایاق
دلده کی دردینه ممکن دگی درمان اناجان
اشگ چشمیم یوزومه دانه مرجان تک آخور
یاندورورقلبیمی قارداشلارمون آهی یاخور
مرتضی حسرتیله قبضه شمشیره باخور
آه جانسوزی ائدورقلبیمی سوزان آناجان
زینبم نارفراقوندا یانوب آغلیارام
سوزآهیله یارالی سینمی داغلیارام
اگلشوب ائوده سنه بزم عزاساخلیارام
نقدرعمروم اولاوردائلرم جان آناجان
دیرم ای گل عمری سارالان لایلای آنا
جوراعداده جوان کن قوجالان لایلای آنا
باشی آزسنیده غمدن آغاران لایلای آنا
غرق دریای محن گوزیاشی عمان آناجان
یثرب عورتلری چوخ ظلملری گوردی روا
بی وفالرسنه بیحدائلدی جور و جفا
دئمیوبلرآتاسیزدی بو در کنز حیا
ترک ایدوبلراوچتین وقتیده نسوان آناجان
اوف اولابیله مسلمانلارا ای دخت رسول
غاصبان اموی ائتدی سنی زار و ملول
اکتفاایلمیوبلرفدکه قوم جهول
یاندبلارقاپووی فرقه ی عدوان آناجان
بانی اولدی بوسوزه (عافی) پاکیزه نهان
یازدی بوشعری (جوانی) ائلدی باغریمی قان
یوزقویوب درگهوه هرایکیسی ناله کنان
ائله قسمت اولالار قبریوه مهمان آناجان
- شنبه
- 9
- مرداد
- 1400
- ساعت
- 14:9
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه