باشلاندی حسینون یاسی گی قاره حسینچی
اخلاصیله همراه اول عزاداره حسینچی
قاره چکلـــوب کوچه وبازاره ســـراســر
آغــلارهامی شاهنشه احـراره حسینچی
گوی اهلی سیه پوش ائلیوب عرش خدانی
ساخــلالار عـزا سرور بی یاره حسینچی
دولدورگــوزوی اشگیــله گل بزم عـزاده
باران کیمی جاری ائله رخساره حسینچی
اللــرده اولن مظـــلوم امامیـن محـُـنیده
چاک ایلــه گــریبانوی گل زاره حسینچی
دوت دامن خـونیــن حسین ابن علیــدن
اندوهیــله ده دردیوی دلــداره حسینچی
چوخلاردولانور دهـریده افسرده پریشان
تاپموریولی گلسین بئله درباره حسینچی
صدقیله حسینون قاپوسیندا اولا هرکیم
شـامل اولارالطــافینه همـواره حسینچی
بـاخ چشــم بصیــرتله اوصحـــرای بـلایه
آغلــور او بیــابـان شه ابــراره حسینچی
سال یادیوه عباس آقامون غملی زمانین
ویرباشــوه قان آغلا علــمداره حسینچی
اگلش دیزون اوستونده ابوالفضل آدی گلجک
تکــریم ائله عزتله اوسـرداره حسینچی
جـانین ائلیــوب دینه فــدا دشت بـلاده
بیعت الینی وئرمیوب اشراره حسینچی
بیرگوزایکی قولدان ال ئوزوب دینینه خاطر
سینه سپرایتدی گلـن اوخلاره حسینچی
سولــدوردی عـُدو دشت بلاد گل عمـرون
توش ایلدی جیسمین نچه مین خاره حسینچی
آتدان یخلان وقته یوزون دوتدی خیامه
بودللــریله عـرض ائلــدی مظلــوم امامه
- شنبه
- 9
- مرداد
- 1400
- ساعت
- 22:24
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه