قسم ویرم سنی یارب دیردی حق طاهایه
جسارتله دگن سیلی ئوزوندن غملی زهرا یه
سالان قان لکه ظلمیله الهی چشم بینایه
یانان درگاهیمه سینمده اوتلی زخم مسماره
اومحسن کی شهید اولدی جفای قوم بدکاره
علی المرتضانین حقینه ای خالق سبحان
قولی باغلی چکلدی مسجده اول ناطق قرآن
قالوب دشمن قباقینده اوناجانلاراولا قربان
دیموربیرکسه دردین چکور آه اوسته مینلرآه
دوزور دین اوسته هرجبره شهنشاه فلک درگاه
ولایت دودمانیده خدایاشیون وزاره
آخان کلثوم وزینب گوزلریندن اشگ رخساره
سولان گل تک حسن بیرده حسینیم جور اغیاره
اجابت ائله حقیمده دعامی قیل منه احسان
گذشت ایله پیمبرامتین محشرده یا رحمان
دیوراسما اوقدری آغلادی زهرا نماز اوسته
یخلدی ضعفدن محرابینه بانوی وارسته
یتشدیم باشی اوسته سسلدیم آهسته آهسته
گتوردوم هوشه دیندیردیم سرور قلب طاهانی
محبتله سیلردیم یوزگوزوندن در غلطانی
گوزون آچدی دیدی اسما اولوب دنیا منه زندان
گلیدی کاش اجل درک ایلییدی جیسمیمی الان
اولیدی تپراق آلتندا یارالی پیکریم پنهان
بودنیانون جفاسیندن تاپیدی روحیم آرامش
وجودیم قبرائوینده ایلییدی باری آسایش
دگل بیجا آخور رخساریمه بیربیله گوزیاشیم
دوام ائتمورعلینون محنتینده چشم خونپاشیم
اولاردی یاروغمخواری اگراولسیدی قارداشیم
ولایت ملکینه جانین ائدردی من کیمی قربان
مدینه اهلی فکرائتمزدی یالقوزدی شه دوران
- یکشنبه
- 10
- مرداد
- 1400
- ساعت
- 15:16
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه