زینــبیم ای وفـــا شعــاریم
گل کیمی سولدی گل عذاریم
آزقــالور تـرک ائدم جهــانی
دلده قــالمور داخی قــراریم
درگهیـم دست ظلموله یانــدی بالا
وحی ائوی اود دوتوب الولاندی بالا
قیــزیم زینب قیــزیم زینب
فــوج غم یتـدی مرتضایه
شیــرحق فخــر اولیــایه
یثرب اهلی جسارت ایتدی
یــــاور ختــم الانبیــــایه
داندیلارحقینی قولون باغلادیلار
محسنی اولدی سینه سین داغلادیلار
قیــزیم زینب قیــزیم زینب
گلمه هجریمده چوخ فغـانه
قــویدی آغـلار سنی زمـانه
صبــرائله فــاطمه غمیـنده
ایتمــه اشگــون یوزه روانه
قویما غم لشگـری سنی درده سالا
طاقت و صـبروی بیر آن الدن آلا
قیــزیم زینب قیــزیم زینب
دوت دله قارداشون حسینی
غملــی زهــرایه نور عینی
آغــلاسا عــالمینی یکـسر
یانــدرار شیــونیلــه شینی
صـرصـر ظلمــیله سولار یاسمنیم
قان اولار گوزلرینده اشگی حسنیم
قیــزیم زینب قیــزیم زینب
کــوچده ثـانی ستمگــر
یانــدروب دللری سـراسـر
ویردی سیلی قبـاله اوسته
عدنیــده آغـلادی پیــمبر
واریری خون دل سرشگیـله آخا
یانــدرا نار غم شــراریلـه یاخا
قیــزیم زینب قیــزیم زینب
برگ گل نیش خاره دگدی
دست کین گلعذاره دگدی
پـاره پـاره اولـوب قبـاله
یـاره لی قلبـه یـاره دگدی
باشمون محنتین یازار اهـل قلم
نوکریمدی (جوانی)سن ایله کرم
قیــزیم زینب قیــزیم زینب
- یکشنبه
- 10
- مرداد
- 1400
- ساعت
- 15:18
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه