آنان ئولورگل ابوالفـضلیم ای وفـاداریم
قالوبدی یولداگوزوم دیلده آهیله زاریم
اوغــولسوز ام بنینــم اسیـرمحنت وغم
یوخومدی اوغلوم اولاصون نفسده غمخواریم
دلیم هـــرایه سنی سسلــیور نوائیلــه
چخــورسپهــره اورکدن غم شــررباریم
یاخونلاشوب اجلیم تزگل ای گوزوم نوری
سلــوک عشقیــده ای باوفا علمــداریم
یوبانماقابض الارواح گلممیش گل اوغول
اورکده قالمـاسین انـدوه ورنـج دیداریم
گوزتلــورم سنی شــرح ایلیـم وصیتمی
اوبــاردندی واریمدی بوقدری اصــراریم
مدینـده نچه مدتدی گوندوزم گیجه دی
آدون دیلیمده اولوب هرزماندا گفـتاریم
دوشرخیاله گیچن گونلــرون سحاب آسا
آخـارعـُـذاره دمادم سرشگ خونبـــاریم
باخاندا هــرآنائوزاوغلــونا تفـــاخر ایدر
منیم پوزولدی ولی گلشــنیمده گلـزاریم
الیمـدن آلدی فلـک دورد اوغول جفائیلـه
اورکـده قــالـدی نـِـدیم آرزوی بسیـاریم
سالوبدی دست قضا باشیمه ستملـه قــرا
آلـوبدی صبـریمی الدن پوزلــدی پرگاریم
بویاندی قانه سوسوز عون وجعفرو فضلیم
قـــالوبدی کرب بلاده اونچــه دلــداریم
بوکولدی قامت سـَرویم بوقدری محنتـدن
سولوب سارالدی جفـائیله رنگ رخسـاریم
اوگل جمــالوی بونـدان بئله اگـر گـورسم
دونر گـوزومدن یقین گـوندوزه شب تاریم
(اوقـدر آغــلادی دیگ محــبتی داشدی)
(بیرآیری طرزیله گویا اورک سوزون آشدی)
- یکشنبه
- 10
- مرداد
- 1400
- ساعت
- 22:59
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه