ای منیم ارخام ائلیم آچ گوزیوی یاتما اخا
دورگینان سندی بئلیم آچ گوزیوی یاتما اخا
دور گئدک خیمه لره
دئی سوزون صود امره
ای وزیریم نه گلوب دوشدون ایاقدان یارالی
هم اولوبسان سن الیندن دوداقدان یارلی
آچ گوزون کوسمگینن خسته قوناقدان یارالی
دیله گل تاب و دلیم آچ گوزیوی یاتما اخا
گورورم مشگیوی قارداش پوزولوب گل مثلی
باشیوا یاره ورانین سینا قارداش کاش الی
غیرتن قربان اولوم یاتماگینان عشق علی
دئی سوزون منده بیلیم آچ گوزیوی یاتما اخا
قان سوزوبدی گوزیوه پرده چکوب هاله کیمی
قانه غلطان بدنین قرمز اولوب لاله کیمی
اوخ دیوب صاق گوزیوه قان دوزولوب ژاله کیمی
یوم گوزون قانی سیلیم آچ گوزیوی یاتما اخا
کاش سو مشگین تئز آتدین یئره ای میر حرم
سوا خاطر آخی دشمن قولوی ائتدی قلم
سسلدین ادرک اخاک عزم ائلدیم فوری گلم
او زمان سیندی بئلیم آچ گوزیوی یاتما اخا
آسمان طعنه وئرور گویده کی اولدوزلارینا
باخگینان خیمه لرون یالقوز اوقولسوزلارینا
دور گئدک رحم ائله سن فاطمه نین قیزلارینا
بئلده قالدی دور الیم آچ گوزیوی یاتما اخا
قورویوب دوداقین ، قان بورویوب گوزلریوی
همت ایله حرکت وئر گوزلیم دیزلریوی
عیبی یوخ گوز گوزه قارداش دئی منه سوزلریوی
آغلاما قاره تلیم آچ گوزیوی یاتما اخا
دور سکینه سنی گوزلور چاغرور تئز گل عمو
عطشین سوزشینی نهریده بس سن بیل عمو
اصغر آغلور گوزونون یاشینی اولسا سیل عمو
گوی سوزی بیرده دئیم آچ گوزیوی یاتما اخا
دشمنیم ال چالوری عرصه ده باخ آی قارداش
سالمیشان سن منی گوزدن بیلیرم ، وای قارداش
گوی چالوم یوخدی آنان من سنه لای لای قارداش
کوسمه بس آرخام ائلیم آچ گوزیوی یاتما اخا
- دوشنبه
- 11
- مرداد
- 1400
- ساعت
- 16:8
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه