گئدورم دیاره عشقه دور ایاقه ای رقیه
بوسه گوی وئروم اقلی گل یاناقه ای رقیه
گنج پربهایدون سن بو خرابه نی تاپوبسان
یوموسان گوزون یارالی ءوز مرامیوه چاتوبسان
گوزدن ای سه ساله زهرا بس نیه منی اتوبسان
صحبت ایله حرمت ایله بو قوناقه ای رقیه
نصف شب یارالی باشی اوخشیوب هی اغلیاردون
سیل اشگی صبح اولونجا گل عذاره باغلیاردون
گاهی اکبری و گاهی اصغری سراغلیاردون
ایندی عازمم او دشته دوش قباقه ای رقیه
سینه وه باشی الوبسان سویلدین بی بی سوزوم وار
گوی بلا گله که دیلده محنت و غمه دوزوم وار
هی دءدین دانیش یارالی بو محبته گوزوم وار
گویموسان دوداقی ناگه اول دوداقه ای رقیه
قوش کیمی قاناد آچوبسان گوئیا بهار گلوبدی
باخ قوناقیوه که قانی لبده یادگار گلوبدی
سیل گوزون یاشین که بابا الده گوشوار گلوبدی
دور خیالی گوشواری سال قولاقه ای رقیه
درد دل ائدنده ای گول بو اورگی قان ائدردون
تیری آهیوی گجه لر سینمه نشان ائدردون
وای بابا یارالی ای وای سویلوب فغان ائدردون
سولموسان گلستانیمدا گل سیاقه ای رقیه
- دوشنبه
- 11
- مرداد
- 1400
- ساعت
- 16:22
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه