گل آقا هارداسان الان باخ منه مهدی جان
اسیلوب باد خزان بو چمنه مهدی جان
منه بیر عده وکلات وئروب اللها گوره
تا دییم دیل سوزونی گونده سنه مهدی جان
جمعه دی بس نیه قربانین اولوم گمیوسن؟
هامی عاشقدی امام زمنه مهدی جان
سن ئوزون وارث اسلام و ولایتسن آقا
منتقم سن اوکه قانلار توکنه مهدی جان
گونده ائوده آدیوی ذکر ائلیوب آغلیارام
باتارام گوزیاشیلا بو محنه مهدی جان
دای عدالت سو کیمی خشک اولنوب چاره ندی؟
کاش ظهور ایلیسن من ئولنه مهدی جان
ایندی هر شهریده مین حرمله واردی بیلوسن؟
اولا لعنت گوروم حلقی بیچنه مهدی جان
سن ظهور ایله و قورخما نوکرون چوخدی سنون
ائت نظر عشقیده باشدان گئچنه مهدی جان
هامی سربازدی سنه ،سنده که سرلشگر و لیک
باخ ئوزون مهدیه لبیک دئینه مهدی جان
کیم سنه نوکر اولا آخرتی واردی دئدون
قربانام من بئله قانون کسنه مهدی جان
ذولفقاری آقا چک تا کسیله ظلم و فساد
گوی که جنت اولا تا دنیا گینه مهدی جان
گلسن داعشی هیچ سورییه چپ باخماز
سنی عمه ن جانی گل تئز وطنه مهدی جان
بیلیرم قدرت بازوی علی سنده ده وار
مرحبی وئر یئره اولسون علنه مهدی جان
سن هارا ، مرحب هارا؟شیر خدا ایندی سنن
یخاران مرحبی،سو مثلی ایجینه مهدی جان
گلگینن یئر ئوزونه گور نجه طوفاندی آقا
باخگینان خردا قیزی ئولدورنه مهدی جان
غیرتیندن بیلینیور چکمیشن عباسه آقا
قربانام غیرت عباس و سنه مهدی جان
شیعه نون قلبی یارا اما دیلی شاکردی
قلبیمیز قان اولاجاخ سن گلنه مهدی جان
قولاقیم سسدی تکبیر سسی ایندی گلجک
انا مهدی دئیجک غم چکنه مهدی جان
آقا باخ حجب و حیا یوخدی ،نه دوراندی آخی
گوئیا باغلیدی قولار رسنه مهدی جان
نقدر جور و جفا دنیادا آشکار اولاجاخ
گدجک دوزخه ظالم ئوزونی گیزلدنه مهدی جان
گل یولی بیزلره گوستر که تاپاق راه حقی
راهنمایی ائله یولدان گئچنه مهدی جان
اوچ یوز اون اوچ یارینان ذولجناح اوستونده گلرن
افتخارسان بیلیرم پنج تنه مهدی جان
اوندا که فاتح اولورسان منده تبریک دئیجم
احمد و حیدر و زهرا و حسین و حسنه مهدی جان
گل آقا فاطمه نون قانینی آل قویما باتما
حاضروخ تا بوکولک آغ کفنه مهدی جان
شب جمعه هامی گوزیاشیلی گلر جمکرانا
سنی بعضی وئرر آند صودامنه مهدی جان
کربلاده توکولوب قان حسین بن علی
کوفیان ائتمه رحم پیرهنه مهدی جان
عمه وی حالی یامان حالیدی عاشور گونی
گورجگین آغلادی باشسیز بدنه مهدی جان
چکدی آغوشه حسینی و دئدی جان جان باجیسی
نه گلوبدی دئدی بو جسم تنه ؟ مهدی جان
دئدی قارداش باجیلیق رسمی نه خوش رسمدی حسین
باشیوین اوسته گلوب ایندی ننه ، مهدی جان
دئدی قارداش گورورم سینه ده چوخ اوخ واردی
نه دیوم باشیوی دالدان کسنه، مهدی جان
گینه ده سینده گیزلتدیم آقا چوخ سوزومی
معرفت اهلینون اصلا داخی یوخدی دوزومی
قتلگاه ایچره او گون نیزه، سنان چوخ واریدی
آقانین سینه سی اوسته نقدر اوخ واریدی
گوردی زینب که حسین سینه سی اوسته سورونور
قوزویاندا باشینی تلیدن اما گورونور
قتلگاهه ساری زینب گئدوری دیلده غمی
هی دئیور کاش یئتیره ایندی خدا تئز ننمی
گلدی گوردی که چکوب خنجرینی شمر دنی
ایستیوز ئولدوره تئز مظلوم اما زمنی
محکم ائتدی عجلیله او خانوم معجرینی
خنجری دوتدی و تیغ بولدی اونون اللرینی
نه تمنایه قولاق وئردی نه صبر ائتدی عدو
نه بیر آز حرمت ائده جرعه ای هیچ ورمدی سو
خنجری پیکره چکدیکجه حسین باتدی قانا
باجیسی اغلادی تا بلکه بو ظالم اوتانا
ال ایاق چالدی حسین ، باخدی باجی سسلدی وای
توکولن قانی تله یاخدی باجی سسلدی وای
دئدی قارداش گوروم قانیوه غلطان اولدون
تک حسینم بو گجه جدیمه مهمان اولدون
ایندی گر گورسه رقیه نه دئیر ئوزئوزونه
گوش ائدن کاش باجی قربان سن اون دیل سوزونه
ای "خدایی" غم ارباب سنی تئز پیر ائلدی
غم دنیا چوخیدی تئزده زمینگیر ائلدی
- دوشنبه
- 11
- مرداد
- 1400
- ساعت
- 16:46
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه