گلدی میدانه حسین تا تاپا سرلشگرینی
گوردی یرده کسیلن قارداشینون اللرینی
گوتوروب اللری ءوپدی گوزونه قویدی حسین
دیه بیلم او زمان ءوز جانینا دویدی حسین
دوتدی قان ردینی تاپدی یخیلان سقانی
کسیلیب قولاری باشدان آخولور القانی
گوردی قارداش بدنون نیزه چیلر دوره لیوب
فاطمه باشین اچوب اشگینی گوزدن الیوب
خاریلر سالمیش ارایه بیربوداقسیز گلی
یاره چاتمیش باشینا قطع اولنوب ایکی الی
گلدی عرض اءتدی ابوالفضل اچ گوزون بیر منه باخ
گل دیله دردین آلوم سویله سوزون بیر منه باخ
اسدی بیر باد خزان صولدی گلشن یارالی
بو نه عالمدی اخا من یارالی سن یارالی
رسمیدی اوغلی ءولن قلبی سیزیلار الیشار
قارداشی قارداشی گوزلر نجه کوسه باریشار
بیر کمکسیز نجه ال بلده قالار غربتده
قارداشین قارداشی گویلون آلار غربتده
سرو رعنانی بیلورسن آخسا گر سءل سندیرار
دهریده قربان ءولوم،قارداش داغی بءل سیندیرار
سن منیم برج ولایتده وفا مهتابی سن
تشنه لر گوز یولدادی سقالرون اربابی سن
باشیوی دشمن سالوبدی ایری احواله اخا
یوخ یءری من اغلیام دشمنلریم قارداش باخا
اچ گوزون باش اوستونه حسرتله سایه سالمیشام
قورخولی میدانیده ال بلده من تک قالمیشام
وار یءری ایندی سنون احوالیوه ای وای دیم
سینمه باشین الام حسرتله من لای لای دءیم
ای "خدایی" قلسوز عباسون غمی دل داغلادی
فاطمه لای لای دءدی یءر آغلادی گوی آغلادی
- دوشنبه
- 11
- مرداد
- 1400
- ساعت
- 17:0
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه