یخیلوبدی قاسم الان عموجان یتیش هرایه
بدنونده قالمیوب جان عموجان یتیش هرایه
عمو گل هرایه تءز گل
قورولان عزایه تءز گل
گلوب اول جوان حضور شه تا که رخصت السون
دیدی ای عمو که قویما اورگیم غمیله دولسون
نه اولار منیم انامدا باشینا قارانی سالسون
اءلیه همیشه افغان عموجان یتیش هرایه
سنون هر نه واردی امرون منه شرح بی مثلدی
علی اکبرین فراقی اورگیم باشینی دلدی
بو ءولوم منیم چون ایندی نجه خوشگوار عسلدی
منه قیل بو لطفی احسان عموجان یتیش هرایه
غرض آلدی جنگه رخصت تلسور نبرده گتسون
ایلیوبدی عزم خیامه ننه سین الوندن ءوپسون
دیدی ایستم وقاری انامون اقا کیچیلسون
اولارام بو یولدا قربان عموجان یتیش هرایه
دءمیرم شهید اولوندا دوتاسان عزا منیم چون
یوزوه قان اخا جمالیم اولا با صفا منیم چون
بیلوسن ک خوشدی والله گله هربلا منبم چون
منی ایلمه پریشان عموجان یتیش هرایه
یخیلاندا مرکب اوستن باشینی آچوب ملکلر
بدنی اولوبدی شان شان نجه قان اولوب اوروکلر
ءوزی قانلی ، باشی قانلی یتیشیدی کاش کمکلر
ءولورم اجل آلور جان عموجان یتیش هرایه
سینه سی ایاقلار التدا ازیلوبدی خورد اولوبدی
اوقدر دیوبدی پیکان بدنین تمام یولوبدی
باشینا وروبلا خنجر گوزه القانی دولوبدی
اولورام علیه مهمان عموجان یتیش هرایه
ننه ارزولار بالاسین گوره طوی ایوینده والله
گوره کاش که بی لباسین بالاسی گینده والله
اورگیم یانار او دمده بالا وای دینده والله
توخانوبدی نیزه ،پیکان عمو جان یتیش هرایه
ننمه دءمه عموجان اونون آرزوسی واریدی
منه طوی دوتا وطنده الیمه حنا یاخیدی
منی دیندیریدی بیر یول الا گوزلره باخیدی
ولی ایندی یوخدی امکان عموجان یتیش هرایه
- دوشنبه
- 11
- مرداد
- 1400
- ساعت
- 17:2
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه