کربلاده آتا المیش اله شش ماهه سینی
گتدی میدانه بالانی حال پیغمبره باخ
دیدی آچ گوزلریوی ای منیم عطشان گوزلیم
قانلی میداندا محندن یارانوب منظره باخ
آتا خردا بالاسین گتدی قران مثلی گویه
دیدی عطشان جماعت ،قوریان لبلره باخ
گوزی اولدوز تک آخوب یوخ دیلی صحبت اءلیه
قانلی میداندا قالوب تک، شه بی یاوره باخ
گلدی بیر اوخ بالانین اوپدی بوغازین ناگه
اوخا باخ ،صورته باخ ،قانه باتان اصغره باخ
اتانین اللری اوسته بالانی قان آپارور
گل پرپر اءلین دشمنه باخ، اوچ پره باخ
دیجگین اوخ بوغازا تیتردی جسمی بالانین
نهرین اوستونده توکور اشگینی سرلشگره باخ
ال ایاق چالدی بلکده، دءدی جان حان آتاسی
ءوپدی عطشان دوداقین ،اوخ یارادان محشره باخ
اتا گوردی بالانین چیخمیری جانی لبدن
سالدی قونداقه نظر باغلی قالان اللره باخ
بیر الیله اوخی دوتدی بیر الیله بالانی
چکدی پیکانی ولی اوخ داغیدان حنجره باخ
بیر اووج قانی گویه سپدی یءره گلمدی قان
آسمان ساخلادی مدرک اوقانی، داوره باخ
دءدی سینمده عجب گوزلرینی یومدی بالام
هی دوداقیندن ءوپر ،درد دل رهبره باخ
گورسه ایندی آناسی قانه باتان اصغرینی
خیمه ده ناله اءدن تشنه لب آهولره باخ
نجه ایندی آپارم خیمیه قانه باتانی
چاره سیز خیمه و میدان آراسی دلبره باخ
ولی تل اوسته گوروبدی باجیسین اول سرور
آلدی آغوشه بالانی ، قوجالان خواهره باخ
اولماسیدون دیدی زینبدخیمیه گلمزیدیم
آغلیور قان قلمیم تر اولونان دفتره باخ
گلدیلر خیمه لره آغلادی قیزلار هامیسی
یارالی اصغره باخ ، غملی کبوترلره باخ
ربابه نوبه چاتوب باشلارا ال آتدی هامی
خون دل گوزدن الیر، یالقوز اولان مادره باخ
الدی اغوشه دیدی جان بالا قربان جانیوا
سینمه گل گوزلیم تر اولونان گوزلره باخ
جان بالا دوزلی بالام ای اورگی رازلی بالام
منی گوزدن نجه اتدون قان اولان دیلره باخ
گوزون اچ خیمده قیرلار سنی اوخشولار اوغول
حال اغماده قالوبدی علی جان خواهره باخ
ای "خدایی" یءری وار آغلیان اصغر غمینه
یاندی اودلاندی قلم تسلیت جوهره باخ
- دوشنبه
- 11
- مرداد
- 1400
- ساعت
- 17:13
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه