ائتمه ستم ای زجر ستمکار یتیمه
لطف ایله بیر آز درده گرفتار یتیمه
ظلم ایلمه ظالم من آخی خردا اوشاقم
رحم ایلگینن ایلمه آزار یتیمه
بسدی بابامون سینه سی اوسته منی ورما
آیدین گونی سن ایلموسن تار یتیمه
عرض ایلیوب الله چکه آه طفل یتیمه
عرش اهلی فغان ایلیر آغلار یتیمه
من غنچه ییدیم تازه گل آچدیم چمنیمده
انصاف دگولی همدم اولا خار یتیمه
ظالم نچه گوندی باشیما قمچی وروبسان
وردین ولی سیلی نیه هر بار یتیمه
باشیم یاراسی توختامیوب شرم ایله ای زجر
بیچاره بی بیم قلبینی داغلار یتیمه
گر ئولدورجکسن منی یولدا دئگینن سن
بو گتمگی بس ایلمه اجبار یتیمه
قمچی اثریندن بدنیم یول یول اولوبدی
کینه اورگینده نقدر وار یتیمه
سندن طلب ائتمم نه غذا نه که بیر آز سو
رحمون فقط اولسون بو دل افکار یتیمه
جانیم دوداقه چاتدی بو قدر ظلم و جفادن
انسان اولا لازمدی هوادار یتیمه
باخما قولاقیم بوشدی و گوشواره یوخومدی
چوللرده یاراشماز آخی گوشوار یتیمه
آیریتما بابامون سینه سیندن نه ایشین وار؟؟
باشسیز بدنی چوخ گوروسن زار یتیمه؟؟
باخ قطع اولونان اللرینی بوینما سالمیش
واروی اورگینده سوزی بسیار یتیمه
ظالم دئی گوروم خردا قیزون واردی ائوینده؟؟؟
گر واردی ستم ائتمه بو مقدار یتیمه
چیخمور سسیم از بس که چاغیردیم بابا گئتمه
سنسیز گونوزی تئز اولاجاخ تار یتیمه
کسدیم قاباقین سویلدیم ای شاه کمکسیز
باخ بیر منه سن اءتگینن گفتار یتیمه
گئتسن ولی صبر ایله منی آل قوجاقان گئت
چون ایلمیسن خوبیه بسیار یتیمه
- دوشنبه
- 11
- مرداد
- 1400
- ساعت
- 17:35
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه