کنج ویرانه ده یاتما منی آغلاتما قیزیم
قولاقین ورمه نشان سینمی داغلاتما قیزیم
دیوارا صورتیوی قویما یوزون یاره اولار
اتا ئولسه ، قالانین گونلری چوخ قاره اولار
نازلی قیزلار قولاقیندا بالا گوشواره اولار
عیبی یوخ قربان اولوم چاره نی باغلاتما قیزیم
فاش اولور سر دلیم یوخدی چکم پرده سوزه
بیلمدیم من نه گناهی اوسته دیوب سیلی یوزه
سیلی دیدی او گوزل صورته قان دولدی گوزه
سینه مه گل ولی اولدوز مثلی باتما قیزیم
گل سولار گر اسیله باد مخالف چمنه
اچ گوزون نازلی بالا ناز ایلمه ایندی منه
بو قدر نازی قیزیم کیم اخی اورگتدی سنه
دورموشام باشیوین اوسته منی ساخلاتما قیزیم
قانلی باش عزتیله منزلیمه گلدی حسین
تیر آهیله بو یورقون سینمی دلدی حسین
وءردی جان یومدی گوزل گوزلری دینجلدی حسین
هی دیدیم عمه وی گوزدن نه اولار اتما قیزیم
سسلدی دور ایاقا گلدی بابام آی عمه
لخته وار گل دوداقیندا نه اولوب وای عمه
گوی چالیم خسته دی حتما بونا لای لای عمه
فاطمه عرض اءلدی قلبیمی سیزلاتما قیزیم
دیدی یاخشی بو یتیمی سالموسان یاده بابا
جانیمی نذر اءلدیم سن گلن امداده بابا
گورموشم چوخ غم اندوه بو دنیاده بابا
یارالی باش دءدی اهسته غمه باتما قیزیم
- سه شنبه
- ۱۲
- مرداد
- ۱۴۰۰
- ساعت
- ۱۳:۵۰
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه