گوزلری اولدوز تک آخان لای لای علی لای لای علی
آق بلگی قانه باتان لای لای علی لای لای علی
بسدی بو قدری اناوی اغلیوب اغلاتما بالا
ناله اءدوب قلبیلری داغلیوب داغلاتما بالا
باغلادی قونداقه الین چاره نی باغلانما بالا
غنچه مثالی سارالان لای لای علی لای لای علی
من دءمورم آغلاما هچ آغلاسان آز آغلا گولوم
یوخ آناوین ایندی صودی گل سینمه یوخلا گولوم
ایندی گلایه ن وار اگر فاطمیه ساخلا گولوم
ای الیمین اوسته یاتان لای لای علی لای لای علی
باشینی سالمیش اشاقا قارداشیمون خجلتی وار
اشگینی رخساره الور ، آغلاماقین علتی وار
صبح اولاجاق قانه باتا بو گجه نی فرصتی وار
مشگیده سو یوخدی اینان لای لای علی لای لای علی
نه بیر آز ارام اولوسان نه قوجاقیمدا قالیسان
دای دوتولوبدی نفسین بس نیه هیچ یوخلامیسان
خردا الینده الیمی قربان اولوم ساخلامیسان
اشگیمی قانیاشه قاتان لای لای علی لای لای علی
بیر قولاق اس خیملرون ناله ی جان کاهه بالا
تشنه لیگیندن یانیسان اوخشویوسان ماهه بالا
یالواریم ایا وزیره یا یورولان شاهه بالا؟
صبر اءله ای غنچه دهان لای لای علی لای لای علی
درک اءدورم بو حالیله درده معالجسن علی
مشتری واردی سنیچون واللهی رایجسن علی
میر حرم مثلی ولی باب الحواءجسن علی
ای هدفی اوسته چاتان لای لای علی لای لای علی
آلتی آین واردی سنون گورنجه اعجاز اءدوسن
شهپر آچوب اوجه اوغول قوش کیمی پرواز اءدوسن
گول بالا دینجلسین انان،وای نقدر نار اءدوسن
ءوز اناسین گوزدن آتان لای لای علی لای لای علی
جان بالا جان نازلی بالا قوش کیمی پربسته بالا
دیل دوداقی دوزلی بالا ای یورولان خسته بالا
سنده "خدایی" دگینن قلبیده بشکسته بالا
آغ بلگی قانه باتان لای لای علی لای لای علی
- جمعه
- 15
- مرداد
- 1400
- ساعت
- 18:51
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه