ای سوسوزدان یانانیم گوزلری یوم جان آپارور
عطشیندن یانیسان لبلریوی قان آپارور
گتدی میدانه حسین اصغری ال اوسته ولی
صبرینی گوردی آلور بو گل خندان آپارور
بالانی الده قران مثلی آتا گتدی گویه
دیدی عطشاندی ،سوا کیم بونی مهمان آپارور
اوچ گونون تشنه سیدی یوخدی گناهی والله
آغلیاندا منیچون مژده هجران اپارور آپارور
دئمیرم سو منه یا اهل خیامه گتیرون
اصغریمه سو ورون لبلری احسان آپارور
سالدی سعد اوغلی نظر اوخ چولارین صفلرینه
حرمله سویلدی گلسین ، اودا فرمان آپارور
دیدی عباسی نجه اوخلادین بو طفلیده ورور
وورماسان خیمیه مایوس اولوب الان آپارور
دیزینی وردی یئره عفو ائله یا مهدی منی
الموشیدی اله اوچ شعبه لی پیکان اپارور
چلیه گویدی اوخی ، دوتدی نشان جیرانی
ائتدی پرتاب اوخی ، اوخ اصغره درمان آپارور
دیچگین اوخ بوغازا آچدی گوزون دیسگیندی
اتانین اللری اوسته بالانی قان آپارور
مختصر یاخدی اوقاندان بیر آز ئوز صورتینه
دیدی بو قانه الان غبطه قدسیان آپارور
دولدوروب اوجونی قانلان گویلره سپدی اقا
یئر بالانون ئوزونی ،قانین آسمان آپارور
ال ایاق جالدی بالا آچدی گوزون گولدی فقط
اچمادی دیل بو بالام دردینی پنهان اپارور
گوزلرین یومدی بالا،باغرینا باسدی آتاسی
دیدی دردین عموسی محسنه اعلان آپارور
قالدی اواره حسین خیمه و میدان اراسی
گوئیا آلمیش اله بیر قوزی قربان آپارور
زینبی تلیده گوردی گلدی اخیامه طرف
اللری اوسته الوب اصغری بی جان اپارور
اولماسیدون باجی سن خیملره گلمزدیم
آل بالانی، ائلیب قلبیمی شان شان آپارور
اصغری گورسه بو حالدا اناسی نینیجک
آه و نالیله دئیر وای بالامی قان آپارور
آخدی اولدوز کیمی اوغلوم محسنه گئتدی قوناق
قانیله باشه قویوب تاج زرافشان اپارور
- جمعه
- 15
- مرداد
- 1400
- ساعت
- 20:12
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه