بین در و دیوار آراسیندا قالان ای وای
عالملری ئوز ماتمینه اغلادان ای وای
ای وای یارالی جان یارالی فاطمه لای لای
باشی بلالی جان یارالی فاطمه لای لای
یافاطمه ریحانه ی گلزار محبت
خار اولدی ندن سن کیمی ریحانیه قسمت؟
دیل صحبته اچ زینبینن سن ائله خلوت
باش اوسته اوتورموش سنی گوزلور بالان ای وای
ای وای یارالی جان یارالی فاطمه لای لای
باشی بلالی جان یارالی فاطمه لای لای
یازدین غم و اندوهیوی دیواره یارالی
سینه ن توخانوب گل کیمی مسماره یارالی
دوشموشدی قولاقدان یره گوشواره یارالی
دیدی یوزوه سیلی عزیزیم هاچان ای وای
ای وای یارالی جان یارالی فاطمه لای لای
باشی بلالی جان یارالی فاطمه لای لای
اورتولدی قاپی ضرب لگد شدته گئتدی
باغلاندی قولوم دشمنیوی جرئته گئتدی
بیر ایش گوروب اول ثانی منی حسرته گئتدی
بو شهریده قولاریوا یوخ ال اتان ای وای
ای وای یارالی جان یارالی فاطمه لای لای
باشی بلالی جان یارالی فاطمه لای لای
- جمعه
- ۱۵
- مرداد
- ۱۴۰۰
- ساعت
- ۲۰:۲۰
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه