شب یلدادی اورک بوز کیمی دونموش بوگجه
شب یلدای ظهورین نه زماندی مهدی؟
نچه ایلدی که دیولر گلجک قائم حق
او جماعت دئین ایل سویله هاچاندی مهدی؟
شاهدیم گوزده دونان قطره ی اشگیمدی منیم
سانکی گوز منظره سی شاخدا بوراندی مهدی
من ایشتمیشدیم اقام لطف ائلیر نوکرینه
کرم و لطفون اقا وقتی الاندی مهدی
او قدر چیله نی گوزلور سنی کیم گوزلمیور
بو جماعت،چاغیرور اما یالاندی مهدی
سنه قربان او سینیق قلبیوه شیعه قربان
سیل گوزون یاشینی والله دیل اوتاتدی مهدی
بشر آزمیش یولونی یولارا قاتمیش ئوزونی
چالینان ماه حرام تاردی ،کاماندی مهدی
کاسبین سفراسینون یوخ بزگی حرمتی یوخ
بیر اوجاقدا ایکی باش یانسا یاماندی مهدی
سویولوب رخت ادب ،رخت حجاب جامعه دن
دئی گله حضرت نوح ،ایندی طوفاندی مهدی
کیمسه نون دولتی واردی آدی مرد اولدی اقا
یوسخولون بختی یاتوب صبری جالاندی مهدی
بیرینون واردی او قد وار گوزونی پول بورویوب
مالینین چکمیسینه وزنه قاپاندی مهدی
سنه قربان نه دیوم؟هانسی سوزی فاش الیوم؟
اورگیم غصه الیدن بئله قاندی مهدی
گلگینن سن بیل انان فاطمه نون حرمتینه
گوی "خدایی" دئیه گل وقت اذاندی مهدی
- جمعه
- 15
- مرداد
- 1400
- ساعت
- 20:30
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه