ای منیم دلبریم ماه خوش منظریم
یات دینجل فاطمه یارالی همسریم
گللر سارالدی حیدر قوجالدی
صبریمون ائوی اوچدی تالاندی
یازهرا زهرا یارالی زهرا
دوشدون ائویندن آرالی زهرا
قلبیمده کوز واردی بیر آغلار گوز واردی
دیندیرسم حسنی قلبینده سوز واردی
عم اوغلون یاندی سندن اوتاندی
صبریمون ائوی اوچدی تالاندی
یازهرا زهرا یارالی زهرا
دوشدون ائویندن آرالی زهرا
باشیوه نه گلوب کیم بو حالی بیلوب
سیلی دشمن ورمیش گل یوزون گووروب
یوز گوزون قاندی قلبیم اودلاندی
صبریمون ائوی اوچدی تالاندی
یازهرا زهرا یارالی زهرا
دوشدون ائویندن ارالی زهرا
غم منی دوتوبدی گلریم صولوبدی
بین و در و دیوار محسنون ئولوبدی
قاپیم اودلاندی گل ایاقلاندی
صبریمون ائوی اوچدی تالاندی
یازهرا زهرا یارالی زهرا
دوشدون ائویندن ارالی زهرا
جیرانلارین ملر گوز یاشلارین الر
جنتدن پیغمبر باشین اچوب گلر
بو نه زماندی قاپیم اودلاندی
صبریمون ائوی اوچدی تالاندی
یازهرا زهرا یارالی زهرا
دوشدون ائوندن ارالی زهرا
دردیوی بیلن یوخ گوزیاشی سیلن یوخ
قاپیمی یوخ آچان هیچ گلوب گئدن یوخ
گوزلر گریاندی قلبیلر قاندی
صبریمون ائوی اوچدی تالاندی
یازهرا زهرا یارالی زهرا
دوشدون ائوندن ارالی زهرا
قلبیمی قان ائتمه ناله هر آن ائتمه
گل یوزون علیدن زهرا پنهان ائتمه
جسمین شان شاندی کوینگون قاندی
صبریمون ائوی اوچدی تالاندی
یازهرا زهرا یارالی زهرا
دوشدون ائوندن ارالی زهرا
سن گله خار آغلار صولموش گلزار آغلار
یورقون چیخمیش جانه قانلی مسمار آغلار
حسینون یاندی قلبی اودلاندی
صبریمون ائوی اوچدی تالاندی
یازهرا زهرا یارالی زهرا
دوشدوم ائویندن آرالی زهرا
بولوتدا آی اولماز آی سنه تای اولماز
دویدولر چوخ سنی یاراوا سای اولماز
صبریم جالاندی غملر باشلاندی
صبریمون ائوی اوچدی تالاندی
یازهرا زهرا یارالی زهرا
دوشدون ائویندن آرالی زهرا
عزیزیم جان دانیش سنه قربان دانیش
دوت حسینی دیله ایلور افغان دانیش
گویلر دوماندی زهرا یولاندی
صبریمون ائوی اوچدی تالاندی
یازهرا زهرا یارالی زهرا
دوشدون ائویندن ارالی زهرا
- جمعه
- 15
- مرداد
- 1400
- ساعت
- 20:54
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه