قولسوز یاتان سرلشگریم جان یا ابوالفضلیم
قالدی بلیمده اللریم جان یا ابوالفضلیم
دشمن ایچینده قویما تک دور یالقیزام قارداش
سن بیل آنام جانی گوز آچ آدامسیزام قارداش
ئولوب علی اکبریم اوغول سیزام قارداش
دوغراندی یار و یاوریم جان یا ابوالفضلیم
اولدی تفاقیم گور نجه سندن صورا برهم
بیر یاندا سو مشگین دوشوب بیر سمتیده پرچم
ایاق اوسته دورانمورام قدیم اولوبدی خم
عنقای بی بال و پریم جان یا ابوالفضلیم
گوزدن آخور رخساریمه میدانیده قانیاش
یوخدور گله امدادیمه بیر یاور و یولداش
دور خیمیه باهم گئدک دشمن باخور قارداش
شاد اولماسین دشمن لریم جان یا ابوالفضلیم
دور قویما دشمن لر منه میداندا ال چالسون
قیزلاریمون سندن صورا کیم فیکرینه قالسون
بوننان بیله زینب گرک باشه قرا سالسون
نیلر آدامسیز خواهریم جان یا ابوالفضلیم
- جمعه
- 15
- مرداد
- 1400
- ساعت
- 21:26
- نوشته شده توسط
- یوسف اکبری
- شاعر:
-
حاج فرهاد فکری اردبیلی
ارسال دیدگاه