گل باشیمون اوسته آخر دم ایستور وئره زهرا جان عم اوغلی
سینم یارالی بابام رسوله ایندی گیدورم مهمان عم اوغلی
جانم عم اوغلی جانم عم اوغلی
من دوقوز ایل ساینده هر لحظه خوش گونلری گونلردن گچیتدیم
هر دردی جانه آلدیم علی جان هر سوز بویوردن من اونی ائتدیم
درد و بلا گونی من حسنن اما او گون اول کوچه دن گچدیم
گوردوم هجوم ائتمیش قاپیمیزدا سر کرده های عدوان عم اوغلی
چوخ اغلاما قربانین اولوم من چون آغلاماقا تاب ائدنمرم
گوزیاشیوی پاک ایسترم ائدم قول یاره لیدی ترپدنمرم
کوچه سوزونی من سنه علی واضح ولی الان دینمرم
گون ورمدی اما تا اولونجه اهل مدینه هر آن عم اوغلی
واردی اورکده درد و محنیم یوخدی چکم اما پرده سوزه
قاتل او لحظه دوردی یولومدا چوخ غیضیله وردی سیلی یوزه
ال اغیریدی سیلی دیجگین دوشدوم یئره من قان دولدی گوزه
تار اولدی گونوم باشیمه دوندی اول لحظه کل جهان عم اوغلی
دوشدوم کمند صیاده اول گون امیدیمی بو دنیادن کسدی
اول قدری وئردیلا تازیانه جسمیم گل بی جان کیمی اسدی
اما اشیتدیم که آسماندان سس گلدی اوتان ظالم دای بسدی
ناگه بهار عمریمه اسدی شدتله باد خزان عم اوغلی
گل تک سارلدیم صولدوم اول زمان دشمن ائدن آزارین الینده
اول کشمکشده قالدیم علی جان بین در و دیوارین الینده
سینم یارالاندی قانه باتدی پیراهنیم مسمارین الینده
گوردوم توکولدی نم نم ترابه بو سیندن آخمیش قان عم اوغلی
گرچه متای عمروم غمیله کوی نگار و بازاره دوشدی
قولاریوی دشمن باغلامیشدی،فرصت او لحظه اغیاره دوشدی
سیلی وئروبدی دشمن الهی،گوردوم یئره بیر گوشواره دوشدی
علت بودی سندن هی یوزومی من ایلیورم پنهان عم اوغلی
هر گون حسین و زینبه مین یول حسرتله یانوب باخارام علی
نوحه دیوب اغلارام همیشه،اولدوز مثلی آخارام علی
دفن ایلدین منی تئز گتمزسن چون که گجه دی قورخارام علی
قبریمی گون مثلی صورتینن ایله او گجه تابان عم اوغلی
- شنبه
- 16
- مرداد
- 1400
- ساعت
- 12:32
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه