گوزون آچ یارالی زهرا ائویمون صفاسی یاتما
سنی اینجیدوبدی بیلم اورگون یاراسی یاتما
قاپیم اودلاناندا منده قاپی تک یانوب آلشدیم
غم و دردیله دوباره بوگجه گولوم باریشدیم
اورگیم سوزون خدایه یانوب آغلادیم دانشدیم
ایلدی بو غم علینی غمون آشناسی یاتما
کیشی گون باتاندا مقصد ائوینی ائدر نظرده
نه ائدر گوره عیال و بالاسی قالوب خطرده
گوزوم ایندیده قالوبدی سنیله ، او میخ درده
کاش ئولوم که الده یوخدی یاراون دواسی یاتما
گهی گوزلرون آچیرسان گهی هوشیدن گئدورسن
نه گلوب مگر نه اولموش منه رازیوی دئمورسن
نه اولوب منی گورنده که یوزونده گیزلدورسن
اورگون سوزون عیان ائت گوزوم ضیاسی یاتما
گونوزوم گوزومده اولدی منه لیل تار عزیزیم
بالالاریوی قویورسان منه یادگار عزیزیم
حسن و حسین و کلثوم یاشیوی سایار عزیزیم
ولی زینبون کوسوبدی چون ئولور اناسی یاتما
یانیرام آخی دانیش بیر اله تا بهانه گلسین
دئمیشم بلاله زهرا ائویمه اذانه گلسین
گوروم ای خدا زواله بئله بو زمانه گلسین
بو جهان و بو زمانین چاتاجاخ فناسی یاتما
باباوین وفاتی اولدی، ولی طاقتیوی کسدی
اخی کوچه دیولر که قرالی یئلر اسدی
یوزوه دینده سیلی یارالی دوداقین اسدی؟
گووروب یوزون ئولیدیم گوزوون فداسی یاتما
انا اولماسا گر ائوده بالالار یاتانماز الله
اخی هئچ آنا بالاسین گوز ائویندن آتماز الله
چکه عالم ال باشیما آنایا چاتانماز الله
بالانی بلایه قویماز انانین دعاسی یاتما
سوزی کیم آلا دیلیمدن اورگی اولار شکسته
آتاوین وصیتی حیف منی ائتدی دست بسته
بو زمان و روزگاردان دای عم اوغلون اولدی خسته
چیخوب ایندی آسمانه اورگیم صداسی یاتما
- شنبه
- 16
- مرداد
- 1400
- ساعت
- 12:58
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه