مژده جهانه امتین اقاسی گلدی اقاسی گلدی
دهره شکسته دلرین صفاسی گلدی صفاسی گلدی
عید نبی کبریا مبارک اولسون
مقدم ختم الانبیا مبارک اولسون
مبارک اولسون مبارک اولسون
خاتم الاوصیا قویوب قدم جهانه
نورجمالی دوندریب دهری جهانه
جلوه مظهرخدا گلدی عیانه
جلوه یاره مرحبا مبارک اولسون
جشن رئیس أنبیا مبارک اولسون
مبارک اولسون مبارک اولسون
عرش خدایه ویردیلر زینت و زیور
گلدی قدومون اوپماقا جمله ملکلر
دشت و دمنده تازه دن آچدی چیچکلر
عالمه گلدی خوش خبر مبارک اولسون
چاتدی مرامه شیعه لر مبارک اولسون
مبارک اولسون مبارک اولسون
شوکتی دنیانی دوتان دلبره قربان
پرچم حقی اوجادان رهبره قربان
بیر توکو دنیایه دین سروره قربان
یازا دینی لوح دله مبارک اولسون
حاجتمیز گلدی أله مبارک اولسون
مبارک اولسون مبارک اولسون
گلدی جهانه صادق اول معدن تقوا
شامل ایدیبدی لطفونی خالق یکتا
شاد و خرامان دولانیرحضرت زهرا
هفته وحدت عاشقان مبارک اولسون
جانلاراگلدی تازه جان مبارک اولسون
مبارک اولسون مبارک اولسون
- یکشنبه
- 17
- مرداد
- 1400
- ساعت
- 11:49
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه