یا امام عسکری
مصطفی نین دلبری
عالمه گتدون صفا جانلار سنه قربان
صاحب جود و کرم قیل بیزلره احسان
جان حسن جانم حسن جانم حسن جانم
اون بیرمجی شاه دین
زینت عرش برین
مهدی اوغلی ای اولان
منجی روی زمین
مرحبا اجلاله وه ای شیعیه یاور
مشکله دوشسه بیری یابن الحسن سسلر
جان حسن جانم حسن جانم حسن جانم
ای شه والا مقام
دردلره درمان آقام
عیدیانه گلمیشم
من آقا سندن آلام
درگهی عالمده ای باب رجا مولا
اولموشوخ سن تک شه بیزده گدا مولا
جان حسن جانم حسن جانم حسن جانم
اهل دینین سروری
مرتضی نین مظهری
صبرده دریا آقا
گنج رحمت گوهری
عالمین نورین ایدیب یکسر جنان به به
ای امام هادیه روح و روان به به
جان حسن جانم حسن جانم حسن جانم
آدیوی هی دیل دییر
بحر ایمانه ثمر
بیر توکون ای محلقا
کل دنیایه دیر
چون گوزلیخدا سنه اولماز آقا همتا
گول یوزون اوپدو ملکلر عالم معنا
جان حسن جانم حشن جانم حسن جانم
(عارفم) غرق گناه
ایتموشم عمری تباه
جان ورن وقته اوزون
درده مندم قیل نگاه
دیلده قبرون حسرتی قالمیش سنه قربان
قبریوه بو جمعیلن ایله منی مهمان
جان حسن جانم حسن جانم حسن جانم
- یکشنبه
- 17
- مرداد
- 1400
- ساعت
- 11:55
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه