نوگل باغ رضوان رقیه
خرابه ده ویرن جان رقیه
یاره لی مه پاره لای لای
ای چاتان دلداره لای لای
گیت آنام زهرایه مهمان
گل وجودی یاره لای لای
جان رقیه جان رقیه
ویرانه ده یاتما دلداریمسن
بو سفرده گوزل غم خواریمسن
اوچ یاشیندا بیر پرچمداریمسن
ایتدون منی باغریقان رقیه
باشه عمری ای چاتان وای
عالمی گوزدن آتان وای
کربلاده ای باباسی
تشنه لب قانه باتان وای
آغلارام من سنه ای دردانه
هجرانونده قلبیم دونوب قانه
قولاریوا دگدی تازیانه
غصه دن اورگی قان رقیه
طاقتیوی غملر آلدی
دوریوی فوج غم آلدی
کیمدن امداد ایستیوم من
وای جنازن یرده قالدی
ای گل گلشن شاه عطشان
داغلی قلبیم اولدی غصه دن قان
دردیوه ایدنمدیم من درمان
جان ویردون دیده گریان رقیه
سن گل باغ ولاسن
قلبیمه نور و جلاسن
اوچ یاشیندا جان نثار
شهریار کربلاسن
ای اولان زینبه همدم بالا
دور گیدک یثربه باهم بالا
اولمادی دردیوه مرحم بالا
باشلاندی درد هجران رقیه
گل کیمی سولام رقیه
زلفومی یولام رقیه
بوردا قالسان عمه جانی
غصه مرگ اولام رقیه
آیریلما پوزقون گلشندن بالا
اینجیدون جور دشمندن بالا
دویمادیم عمرومده سندن بالا
ای بلبل خوش الحان رقیه
آهیوی عرشه اوجاتدون
صحنه محشر یاراتدون
بو دل شب ای عزیزیم
جان ویریب مقصوده چاتدون
ای غملی غمگساریم دور یاتما
پوزقون ستارم نصف شب باتما
عمه لرون گوزوندن گل آتما
خسته جانیوا قربان رقیه
دوشدو باشون ابتلایه
نی کیمون گلدون نوایه
هی دیردون عمه منی
بیر ده آپار کربلایه
سنگر حقده کامه چاتانیم
قوری تپراق لار اوسته یاتانیم
توزا تپراقا تلی باتانیم
گل کیمی غمدن سولان رقیه
بلبلوم اولدون چمن سیز
جانیوه دویدون وطن سیز
بو خرابه یرده ایوای
پیکرون قالدی کفن سیز
(عارفون) جانی جانیوه قربان
گلمیشم قاپیوا دل پریشان
دردیمه ایستورم ایله درمان
گدایم ایله احسان رقیه
دردمندم مبتلایم
نی کیمین غرق نوایم
حسرتیم واردی اورکده
عاشق کرب و بلایم
- یکشنبه
- 17
- مرداد
- 1400
- ساعت
- 12:10
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه